പാറ്റ്ന: ബിഹാറിലെ മഹാസഖ്യത്തിന്റെ മുഖ്യമന്ത്രി സ്‌ഥാനാര്‍ത്ഥി തേജസ്വി യാദവിന്റെ തിരഞ്ഞെടുപ്പ് റാലികളില്‍ മതിയായ സുരക്ഷ ഒരുക്കുന്നില്ലെന്ന് രാഷ്‌ട്രീയ ജനതാ ദള്‍ (ആര്‍ജെഡി). ഇതുമായി ബന്ധപ്പെട്ട് തിരഞ്ഞെടുപ്പ് കമ്മീഷന് പരാതി നല്‍കി. തേജസ്വി യാദവിന്റെ റാലികളില്‍ സുരക്ഷ കുറവായതിനാല്‍ അതിക്രമിച്ച് കയറുന്ന ‘സാമൂഹിക വിരുദ്ധര്‍’ യോഗങ്ങളില്‍ കുഴപ്പങ്ങള്‍ സൃഷ്‌ടിക്കുന്നുവെന്ന് ആര്‍ജെഡി വക്‌താവ് മനോജ് കുമാര്‍ ത്ധാ ആരോപിച്ചു.
ഞായറാഴ്‌ച ലഖിസാരായിയില്‍ നടന്ന റാലിയില്‍ കാണികളില്‍ നിന്ന് തേജസ്വി യാദവിന് പ്രശ്‌നങ്ങള്‍ നേരിടേണ്ടി വന്നതിനെ തുടര്‍ന്നാണ് സുരക്ഷ ശക്‌തമാക്കാന്‍ ആര്‍ജെഡി തിരഞ്ഞെടുപ്പ് കമ്മീഷനെ സമീപിച്ചിരിക്കുന്നത്. തേജസ്വി യാദവിന്റെ റാലി പൂര്‍ത്തിയായതോടെ ജനക്കൂട്ടത്തെ പിരിച്ചുവിടാന്‍ പോലീസിന് ലാത്തി ചാര്‍ജ് നടത്തേണ്ടി വന്നെന്നാണ് റിപ്പോര്‍ട്ടുകള്‍.
Read more : ലോക്ക്ഡൗണ്‍ നിയന്ത്രണങ്ങള്‍ നവംബര്‍ 30 വരെ നീട്ടി മഹാരാഷ്‍ട്ര
