റിയാദ് : രാജ്യത്തിന്റെ വിവിധ ഭാഗങ്ങളിലായി നിലവിൽ ചികിൽസയിൽ കഴിയുന്ന കോവിഡ് ബാധിതരുടെ എണ്ണം 6000 കടന്ന് സൗദി. ഇവരിൽ തന്നെ 761 ആളുകളുടെ സ്ഥിതി ഗുരുതരമായി തുടരുകയാണ്. മറ്റുള്ള ആളുകളുടെ ആരോഗ്യസ്ഥിതി തൃപ്തികരമാണ്. കഴിഞ്ഞ 24 മണിക്കൂറിൽ രാജ്യത്ത് കോവിഡ് സ്ഥിരീകരിച്ചത് 684 ആളുകൾക്കാണ്. ഇതോടെ രാജ്യത്തെ ആകെ കോവിഡ് രോഗികളുടെ എണ്ണം 3,92,009 ആയി ഉയർന്നു.
അതേസമയം തന്നെ രാജ്യത്ത് കഴിഞ്ഞ 24 മണിക്കൂറിൽ 6 പേരാണ് കോവിഡ് ബാധിച്ചു മരിച്ചത്. ഇതോടെ രാജ്യത്ത് ഇതുവരെ കോവിഡ് ബാധിച്ചു മരിച്ച ആകെ ആളുകളുടെ എണ്ണം 6,690 ആയി ഉയർന്നു. കൂടാതെ രാജ്യത്ത് നിലവിൽ പ്രതിദിനം കോവിഡ് മുക്തരാകുന്ന ആളുകളുടെ എണ്ണം കോവിഡ് ബാധിതരേക്കാൾ കുറവാണ്. 439 പേർ മാത്രമാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് മുക്തി നേടിയത്. ഇതോടെ രാജ്യത്തെ ആകെ കോവിഡ് ബാധിതരിൽ 3,79,312 ആളുകളും ഇതുവരെ കോവിഡ് മുക്തരായി.
രാജ്യത്തെ നിലവിലത്തെ കോവിഡ് മുക്തിനിരക്ക് 96.8 ശതമാനം ആണ്. കൂടാതെ 1.7 ശതമാനം ആണ് നിലവിലത്തെ കോവിഡ് മരണനിരക്ക്. റിയാദിലാണ് നിലവിൽ ഏറ്റവും കൂടുതൽ രോഗികൾ പ്രതിദിനം റിപ്പോർട് ചെയ്യുന്നത്. കഴിഞ്ഞ 24 മണിക്കൂറിൽ മാത്രം റിയാദിൽ 320 പേർക്കാണ് കോവിഡ് സ്ഥിരീകരിച്ചത്.
Read also : സൗദിയിൽ വാഹനാപകടം; മൂന്ന് കാറുകൾ കൂട്ടിയിടിച്ച് ഏഴ് മരണം