പാലക്കാട് : ജില്ലയിൽ ചെമ്മാടുള്ള മൊബൈൽ കട കുത്തി തുറന്ന് മോഷണം നടത്തിയ സംഭവത്തിൽ ഒഡീഷ സ്വദേശി അറസ്‌റ്റിൽ. കടയിൽ നിന്നും ഫോണുകളും പണവും മോഷ്‌ടിച്ച ഇയാളെ മണിക്കൂറുകൾക്ക് ഉള്ളിൽ തന്നെ ഷൊർണൂർ റെയിൽവേ പോലീസ് അറസ്‌റ്റ് ചെയ്‌തു. ഒഡീഷ കാരപ്പോട് കൊട്ടേയംഗ കാർപുൾ ബത്ര(25) ആണ് പിടിയിലായത്.
ബാങ്ക് എടിഎം കുത്തിത്തുറന്ന കേസിലും ഇയാൾ ഉൾപ്പെട്ടിരുന്നതായി റെയിൽവേ പോലീസ് വ്യക്‌തമാക്കി. ഡിവൈഎസ്‌പി വി ഷറഫുദ്ദീന്റെ നേത‌ൃത്വത്തിൽ നടത്തിയ പരിശോധനയിലാണ് ഇയാളെ കണ്ടെത്തിയത്. സംശയകരമായി കണ്ടതിന് പിന്നാലെ നടത്തിയ ചോദ്യം ചെയ്യലിലാണ് മോഷണ വിവരം വ്യക്‌തമായത്. തുടർന്ന് ഇയാളെ പോലീസ് അറസ്‌റ്റ് ചെയ്യുകയായിരുന്നു.
Read also : തൃശൂർ പൂരം കർശന നിയന്ത്രണങ്ങളോടെ നടത്തും; 45 കഴിഞ്ഞവർക്ക് വാക്‌സിൻ സ്വീകരിച്ചാൽ മാത്രം പ്രവേശനം
