തിരുവനന്തപുരം: സർക്കാർ ജീവനക്കാർക്ക് ഓണത്തിന് ബോണസായി 4,000 രൂപ നൽകാൻ തീരുമാനം. ബോണസിന് അർഹത ഇല്ലാത്തവർക്ക് പ്രത്യേക ഉൽസവബത്തയായി 2,750 രൂപയും നൽകും. ഓണം അഡ്വാന്സായി 15,000 രൂപ നൽകാനും തീരുമാനമാനമായി.
അഞ്ചു തുല്യ ഗഡുക്കളായി തിരിച്ചടക്കണമെന്ന വ്യവസ്ഥയിലാണ് അഡ്വാൻസ് നൽകുക. നേരത്തെ അഡ്വാൻസ് നൽകേണ്ട എന്നായിരുന്നു തീരുമാനമെങ്കിലും പിന്നീട് നൽകാൻ തീരുമാനിക്കുകയായിരുന്നു. പാർട്ട് ടൈം- കണ്ടിൻജന്റ് ഉൾപ്പെടെയുള്ള മറ്റ് ജീവനക്കാർക്ക് അഡ്വാൻസായി 5000 രൂപയും നൽകും.
സർവീസ് പെൻഷൻകാർക്കും പങ്കാളിത്ത പെൻഷൻ പദ്ധതി പ്രകാരം വിരമിച്ച ജീവനക്കാർക്കും പ്രത്യേക ഉൽസവബത്ത 1000 രൂപയാണ്. കഴിഞ്ഞ വർഷം ഉൽസവബത്ത ലഭിച്ച കരാർ- സ്കീം തൊഴിലാളികൾ ഉൾപ്പെടെ എല്ലാ വിഭാഗം ജീവനക്കാർക്കും അതേ നിരക്കിൽ ഈ വർഷവും ഉൽസവബത്ത ലഭിക്കുന്നതായിരിക്കും.
Also Read: ‘സ്വപ്ന സുരേഷിന്റെ മൊഴി ഗൗരവകരം, മുഖ്യമന്ത്രി രാജിവെയ്ക്കണം’; കെ സുധാകരൻ
