വിജയചിത്രമായ ‘പറവ‘ക്ക് ശേഷം സൗബിൻ ഷാഹിറും ദുൽഖർ സൽമാനും വീണ്ടും ഒന്നിക്കുന്നു. സൗബിന്റെ സംവിധാനത്തിൽ ഒരുങ്ങുന്ന ‘ഓതിരം കടകം‘ എന്ന ചിത്രത്തിലാണ് മലയാളികളുടെ പ്രിയപ്പെട്ട കുഞ്ഞിക്ക നായകനായി എത്തുന്നത്.
ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസ് തന്നെയാണ് ചിത്രത്തിന്റെ നിർമാണം നിർവഹിക്കുന്നത്. ചിത്രം ഉടനെ തുടങ്ങുമെന്ന് സൗബിൻ സോഷ്യൽ മീഡിയയിലൂടെ അറിയിച്ചു. ചിത്രത്തെ കുറിച്ചുള്ള കൂടുതൽ വിവരങ്ങൾ പുറത്തു വിട്ടിട്ടില്ല.
‘ഓതിര കടകം എന്ന പുതിയ ചിത്രം പ്രഖ്യാപിക്കുന്നതില് അതിയായ സന്തോഷമുണ്ടെന്നും തന്റെ മച്ചാന് സൗബിന് സംവിധാനം ചെയ്യുന്ന രണ്ടാമത്തെ ചിത്രമാണിതെന്നുമാണ് ചിത്രത്തിന്റെ ഫസ്റ്റ് ലുക്ക് പങ്കുവച്ച് നേരത്തെ ദുല്ഖര് കുറിച്ചത്.
View this post on Instagram
സഹസംവിധായകനായി തുടങ്ങി സഹനടനായി വളർന്ന് സ്വാഭാവിക അഭിനയം കൊണ്ട് നായക നിരയിലേക്കുയർന്ന് പ്രേക്ഷക പ്രശംസ പിടിച്ചു പറ്റിയയാളാണ് സൗബിൻ ഷാഹിര്. ‘പറവ’യിലൂടെ തന്റെ സംവിധാനമികവിനും അദ്ദേഹം കൈയ്യടി നേടി.
അതേസമയം മമ്മൂട്ടി നായകനായി എത്തിയ ‘ഭീഷ്മ പർവ്വം’ ആയിരുന്നു സൗബിന്റേതായി ഒടുവിൽ പുറത്തിറങ്ങിയ ചിത്രം. അമൽ നീരദ് സംവിധാനം ചെയ്ത ചിത്രം തിയറ്ററുകളിൽ വിജയകരമായി പ്രദർശനം തുടരുകയാണ്. ബൃന്ദ മാസ്റ്റർ സംവിധാനം ചെയ്ത ‘ഹേയ് സിനാമിക’ എന്ന ചിത്രമാണ് ദുൽഖറിന്റേതായി ഒടുവിൽ പുറത്തിറങ്ങിയത്.
Most Read: ജഡേജ തിളങ്ങി; ശ്രീലങ്കക്കെതിരെ ഇന്ത്യയ്ക്ക് ഇന്നിങ്സ് ജയം