ന്യൂഡെൽഹി: രാജ്യത്ത് ഇതുവരെ വിതരണം ചെയ്‌ത കോവിഡ് വാക്‌സിൻ ഡോസ് 1.8 കോടി പിന്നിട്ടതായി കേന്ദ്ര ആരോഗ്യമന്ത്രാലയം. വ്യാഴാഴ്‌ച മാത്രം 14 ലക്ഷം ഡോസ് വാക്‌സിൻ നൽകിയതായും മന്ത്രാലയം വ്യക്‌തമാക്കി.
68,53,083 ആരോഗ്യപ്രവർത്തകർക്കും 60,90,931 കോവിഡ് മുൻനിര പ്രതിരോധ പ്രവർത്തകർക്കും ഗുരുതര രോഗങ്ങളുള്ള 45 വയസിന് മുകളിൽ പ്രായമുള്ള 16,16,920 പേർക്കും കോവിഡ് ആദ്യ ഡോസ് വാക്‌സിൻ നൽകി. 31,41,371 ആരോഗ്യപ്രവർത്തകർക്കും 60,90,931 മുൻനിര പ്രവർത്തകർക്കും രണ്ടാം ഡോസ് വാക്‌സിനും നൽകിയതായും മന്ത്രാലയം അറിയിച്ചു.
അതേസമയം, മഹാരാഷ്‌ട്ര, പഞ്ചാബ്, ഹരിയാന, ഗുജറാത്ത്, മധ്യപ്രദേശ്, ഡെൽഹി എന്നിവിടങ്ങളിൽ കോവിഡ് കേസുകളിൽ വർധനവ് രേഖപ്പെടുത്തുന്നുണ്ട്. കഴിഞ്ഞ 24 മണിക്കൂറിനിടെ റിപ്പോർട് ചെയ്‌ത കോവിഡ് കേസുകളിൽ 84.4 ശതമാനവും ഈ സംസ്‌ഥാനങ്ങളിൽ നിന്നുള്ളവരാണ്. നിലവിൽ രാജ്യത്ത് 1.76 ലക്ഷം പേരാണ് കോവിഡ് ചികിൽസയിൽ കഴിയുന്നത്.
Read also: വിലക്കയറ്റത്തിന് എതിരെ ശബ്ദം ഉയർത്തൂ; കോൺഗ്രസിന്റെ ഹാഷ്‌ടാഗ് കാമ്പെയ്‌ൻ
