ന്യൂഡെൽഹി : ഇന്ത്യയിൽ നിന്നും രാജ്യത്തേക്കുള്ള ഇറക്കുമതി പുനഃസ്‌ഥാപിക്കാൻ അനുമതി നൽകി പാകിസ്‌ഥാൻ. പാകിസ്‌ഥാൻ ധനകാര്യ മന്ത്രി ഹമ്മദ് അസ്ഹർ ആണ് ഇക്കാര്യം വ്യക്‌തമാക്കിയത്‌. പഞ്ചസാര, പരുത്തി, ചണം എന്നിവയുടെ ഇറക്കുമതിക്കാണ് ഇപ്പോൾ പാകിസ്‌ഥാൻ അനുമതി നൽകിയിരിക്കുന്നത്.
ഇറക്കുമതി പുനഃസ്‌ഥാപിക്കുന്നതിലൂടെ ഇന്ത്യയുമായുള്ള വാണിജ്യ ബന്ധം കൂടുതൽ മെച്ചപ്പെടുത്താൻ സാധിക്കുമെന്നാണ് പാകിസ്‌ഥാൻ കണക്കുകൂട്ടുന്നത്. എന്നാൽ ഇറക്കുമതി പുനഃസ്‌ഥാപിക്കാൻ പാകിസ്‌ഥാൻ അനുമതി നൽകിയതിനോട് ഇന്ത്യ ഇതുവരെ ഔദ്യോഗികമായി പ്രതികരിച്ചിട്ടില്ല.
ഇന്ത്യയുമായുള്ള വ്യാപാര ബന്ധത്തിന് കഴിഞ്ഞ കുറച്ചു വർഷങ്ങളായി വിമുഖത കാണിച്ചുകൊണ്ടിരുന്ന പാകിസ്‌ഥാൻ ഇപ്പോഴാണ് വീണ്ടും വ്യാപാര ബന്ധം പുനഃസ്‌ഥാപിക്കാനുള്ള നീക്കങ്ങളുമായി രംഗത്തെത്തിയത്. 2019ൽ ജമ്മു കശ്‌മീരിന്റെ പ്രത്യേക പദവി ഇന്ത്യ എടുത്തു കളഞ്ഞത് മുതലായിരുന്നു പാകിസ്‌ഥാൻ ഇന്ത്യയുമായുള്ള വ്യാപാര ബന്ധത്തിന് വിമുഖത കാണിച്ചു തുടങ്ങിയത്.
Read also : റഫാല്‍ വിമാനങ്ങളുടെ നാലാം ബാച്ച് ഇന്ത്യയിലെത്തി
