പാലക്കാട്: രണ്ടു യുവാക്കളുടെ മൃതദേഹങ്ങൾ പാടത്ത് കുഴിച്ചിട്ട നിലയിൽ കണ്ടെത്തി. പാലക്കാട് കൊടുമ്പ് പഞ്ചായത്തിലെ കരിങ്കരപ്പുള്ളി അമ്പലപ്പറമ്പ് ലക്ഷംവീട് കോളനിയിലാണ് മൃതദേഹങ്ങൾ കണ്ടെത്തിയത്. ഇന്ന് വൈകിട്ട് അഞ്ചുമണിയോടെയാണ് മൃതദേഹങ്ങൾ കണ്ടെത്തിയത്. നാളെ തഹസിൽദാരുടെ സാന്നിധ്യത്തിലെ മൃതദേഹങ്ങൾ പുറത്തെടുക്കുകയുള്ളൂ. പ്രദേശം പോലീസ് കാവലിലാണ്.
അതേസമയം, മൃതദേഹങ്ങൾ ആരുടേതാണെന്ന് സ്ഥിരീകരണമുണ്ടായിട്ടില്ല. നേരത്തെ വെനേലി ഭാഗത്ത് അടിപിടി കേസുമായി ബന്ധപ്പെട്ടു നാല് യുവാക്കൾക്കെതിരെ പോലീസ് കേസെടുത്തിരുന്നു. ഇവർ കരിങ്കരപ്പുള്ളിയിൽ ബന്ധുവീട്ടിലാണ് താമസിച്ചിരുന്നത്. ഇവരിൽ രണ്ടു പേരുടെ മൃതദേഹമെന്നാണ് പോലീസ് സംശയം. മറ്റുള്ള രണ്ടുപേരുടെ മൊഴികളുടെ അടിസ്ഥാനത്തിലാണ് പോലീസ് പരിശോധന നടത്തിയതും, മൃതദേഹങ്ങൾ കുഴിച്ചിട്ട നിലയിൽ കണ്ടെത്തിയതും.
Most Read| നിപ; കോഴിക്കോട് ജില്ലയിലെ കണ്ടെയ്ൻമെന്റ് സോണുകൾ പിൻവലിച്ചു