തിരുവനന്തപുരം: പിസി ജോർജ് വാപോയ കോടാലിയാണെന്നും ഇനിയെങ്കിലും പ്രായത്തിന്റെ പക്വത കാണിക്കാൻ അദ്ദേഹം തയ്യാറാകണമെന്നും എഎൻ ഷംസീർ എംഎൽഎ. ജോർജ് തൃക്കാക്കര തിരഞ്ഞെടുപ്പിൽ ഒരു ഫാക്റ്ററേയല്ല. എൽഡിഎഫ് തികഞ്ഞ ആത്‌മ വിശ്വാസത്തിലാണ്. തൃക്കാക്കരയുടെ വികസന പിന്നാക്കാവസ്‌ഥ മാറ്റാൻ ജനങ്ങൾ ഇടതുപക്ഷത്തിന് വോട്ട് ചെയ്യും.
ഇത്തവണ ജോ ജോസഫ് നൂറാമനായി എൽഡിഎഫിന്റെ ട്രഷറി ബെഞ്ചിലുണ്ടാവും. വികസന പിന്നാക്കാവസ്‌ഥയും ദേശീയ സാഹചര്യങ്ങളും എൽഡിഎഫിന് അനുകൂലമാണ്. മനോനില തെറ്റിയ രീതിയിൽ പെരുമാറുന്ന പ്രതിപക്ഷ നേതാവ് മാദ്ധ്യമങ്ങളുടെ തലയിൽ പാഞ്ഞു കയറുകയാണെന്നും ഇദ്ദേഹം ആരോപിച്ചു.
ജനവികാരം ബിജെപിക്ക് അനുകൂലമാണെന്നും ഇത്തവണ വിജയം ഉറപ്പാണെന്നും ബിജെപി സംസ്‌ഥാന അദ്ധ്യക്ഷൻ കെ സുരേന്ദ്രൻ പ്രതികരിച്ചു. പിസി ജോർജ് പറയുന്ന കാര്യങ്ങൾ പൊതുസമൂഹത്തിന് ബോധ്യപ്പെട്ടിട്ടുണ്ട്. ഹിന്ദുകളെയും ക്രൈസ്‌തവരെയും ഇസ്ളാംമത ഭീകരവാദികൾ ലക്ഷ്യം വെച്ചിരിക്കുകയാണെന്നും സുരേന്ദ്രൻ അറിയിച്ചു.
Read Also: ഇറക്കുമതിയിലൂടെ കൽക്കരി ക്ഷാമം പരിഹരിക്കാൻ ഒരുങ്ങി കേന്ദ്രം
