ന്യൂഡെൽഹി: രാജ്യ തലസ്‌ഥാനത്ത് മാസങ്ങളായി തുടരുന്ന കർഷക പ്രക്ഷോഭം ശക്‌തമാകുന്നു. ഇതിന്റെ ഭാഗമായി തമിഴ്‌നാട്ടിൽ നിന്നുള്ള കർഷകർ ഇന്ന് ഡെൽഹിയിൽ മാർച്ച് നടത്തും. ഡെൽഹി റെയിൽവേ സ്‌റ്റേഷനിൽ നിന്നും പാർലമെന്റിലേക്കാണ് ഇവർ മാർച്ച് നടത്തുക. അതേസമയം, ജന്തർമന്തറിൽ നടന്നുവരുന്ന കിസാൻ പാർലമെന്റ് ഇന്നും തുടരും.
മൂന്ന് കാർഷിക നിയമങ്ങളും പിൻവലിക്കുക, ഉൽപന്നങ്ങൾക്ക് താങ്ങു വിലയും സംഭരണവും നിയമപരമായി ഉറപ്പാക്കുക, വൈദ്യുതി ഭേദഗതി ബില്ല് പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ച്. ഇതോടൊപ്പം സംസ്‌ഥാനത്തിന്റെ പ്രത്യേക ആവശ്യങ്ങൾ കൂടി ഉന്നയിച്ചു കൊണ്ടുള്ള നിവേദനം രാഷ്‌ട്രപതിക്ക് നൽകുമെന്നും കർഷക നേതാക്കൾ അറിയിച്ചു.
Read Also: പെഗാസസ്; പട്ടികയിൽ ജസ്‌റ്റിസ്‌ അരുൺ മിശ്രയുടെ പേരും
