ന്യൂഡെല്ഹി: രാജ്യത്തെ വിമാന കമ്പനികള്ക്ക് ആശ്വാസമായി കേന്ദ്ര വ്യോമയാന മന്ത്രാലയത്തിന്റെ പുതിയ തീരുമാനം. വിമാന കമ്പനികള്ക്ക് കൂടുതല് സര്വീസുകള് നടത്താനുള്ള അനുമതി നല്കിയ മന്ത്രാലയത്തിന്റെ തീരുമാനം കമ്പനികളുടെ സാമ്പത്തിക ബാധ്യത കുറക്കും.
നിലവില് കോവിഡിന് മുന്പ് ഉണ്ടായിരുന്നതിന്റെ 60 ശതമാനം സര്വീസുകള് മാത്രമാണ് അനുവദിച്ചിട്ടുള്ളത്. ഇത് 70 ശതമാനമാക്കി ഉയര്ത്താനാണ് മന്ത്രാലയം തീരുമാനിച്ചത്.
ഇതോടെ ആഴ്ചയില് 2100 അധിക സര്വീസുകള് രാജ്യത്തിനകത്ത് നടത്താന് വിമാനക്കമ്പനികള്ക്ക് സാധിക്കും. ദീപാവലിക്ക് മുന്പു വന്ന തീരുമാനം യാത്രക്കാര്ക്കും വിമാന കമ്പനികള്ക്കും ഒരുപോലെ ഗുണകരമാണ്. ആഭ്യന്തര യാത്രക്കാര്ക്ക് കൂടുതല് കാത്തു നില്ക്കാതെ തന്നെ തങ്ങളുടെ യാത്ര നടത്താന് ഇത് സഹായിക്കും.
കോവിഡ് വ്യാപനത്തെ തുടര്ന്ന് മാര്ച്ച് അവസാനം നിര്ത്തിവെച്ച വിമാന സര്വീസുകള് മെയ് 25നാണ് വീണ്ടും ആരംഭിച്ചത്. അതിന് ശേഷം നിയന്ത്രണങ്ങളോടെ ആയിരുന്നു പ്രവര്ത്തനം. പുതിയ തീരുമാനം ആഭ്യന്തര യാത്രക്കാരുടെ എണ്ണം ഉയര്ത്താന് സഹായിക്കുമെന്നാണ് വിമാന കമ്പനികളുടെ പ്രതീക്ഷ.
Read: കാര്ഷിക നിയമത്തിനെതിരായ പ്രക്ഷോഭങ്ങള്; കര്ഷകര് ഇന്ന് യോഗം ചേരും