ന്യൂഡെൽഹി: ഇന്ത്യയിലെ ഇന്ധനവില ചരിത്രത്തിലെ ഏറ്റവും ഉയർന്ന നിരക്കിൽ. 25 പൈസ വർധിച്ചതോടെയാണ് പെട്രോൾ വില എക്കാലത്തെയും ഏറ്റവും ഉയർന്ന നിരക്കിലെത്തിയത്. ഡെൽഹിയിൽ പെട്രോൾ ലിറ്ററിന് 85.95 രൂപയായി. അതേസമയം മുംബൈയിൽ പെട്രോൾ വില 91 രൂപ കടന്നു. 91.56 രൂപയാണ് മുംബൈയിലെ പെട്രോൾ വില. മുംബൈയിൽ ഡീസൽ ലിറ്ററിന് 81.87 വിലയാണ്. ഡെൽഹിയിൽ ഡീസൽ ലിറ്ററിന് 75.13 രൂപയായി ഉയർന്നിട്ടുണ്ട്.
രാജ്യത്തെ മറ്റു മെട്രോ നഗരങ്ങളിലും ഇന്ധന വിലയിൽ വർധനവ് രേഖപ്പെടുത്തിയിട്ടുണ്ട്. ചെന്നൈയിൽ പെട്രോൾ ലിറ്ററിന് 87.63 രൂപയും ഡീസലിന് 80.43 രൂപയുമാണ് നിലവിലെ വില. കൊൽക്കത്തയിൽ പെട്രോൾ വില 86.39ഉം ഡീസൽ വില 78.72ഉമാണ്.
Read also: മലപ്പുറം വണ്ടൂരില്‍ സ്‍ത്രീയെ കിണറ്റില്‍ മരിച്ച നിലയില്‍ കണ്ടെത്തി
