തിരുവനന്തപുരം : സംസ്ഥാനത്ത് നിയമസഭാ തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ മലപ്പുറം ജില്ലയിലെ വേങ്ങര മണ്ഡലത്തിൽ മുസ്ലിം ലീഗ് നേതാവ് പികെ കുഞ്ഞാലിക്കുട്ടിയുടെ ലീഡ് പതിനായിരം കടന്നു. 12,293 വോട്ടുകളുടെ ലീഡാണ് ഇപ്പോൾ കുഞ്ഞാലിക്കുട്ടിക്ക് ഉള്ളത്. ഇതോടെ മണ്ഡലത്തിൽ വീണ്ടും കുഞ്ഞാലിക്കുട്ടി വിജയത്തിലേക്ക് നീങ്ങുകയാണ്. ലോക്സഭാ സീറ്റ് രാജി വച്ചാണ് ഇത്തവണ കുഞ്ഞാലിക്കുട്ടി നിയമസഭാ തിരഞ്ഞെടുപ്പിനെ നേരിട്ടത്.
ഇത്തവണത്തെ തിരഞ്ഞെടുപ്പിൽ യുഡിഎഫ് വലിയ തിരിച്ചടി നേരിടുന്നുണ്ടെങ്കിലും മലപ്പുറം ജില്ലയിൽ യുഡിഎഫ് മിക്ക മണ്ഡലങ്ങളിലും മുന്നേറുകയാണ്. കൊണ്ടോട്ടി, ഏറനാട്, നിലമ്പൂര്, വണ്ടൂര്, മഞ്ചേരി, പെരിന്തല്മണ്ണ, മങ്കട, മലപ്പുറം, വേങ്ങര, വള്ളിക്കുന്ന്,തിരൂര്, കോട്ടക്കല്, തവനൂര് എന്നിവിടങ്ങളിലാണ് യുഡിഎഫ് മുന്നില് നില്ക്കുന്നത്.
Read also : ഇടതുപക്ഷമാണ് ശരിയെന്ന് ജനം തിരിച്ചറിഞ്ഞു; വിഎസ് അച്യുതാനന്ദന്