കണ്ണൂർ: ജില്ലയിൽ തദ്ദേശ സ്ഥാപനങ്ങളുടെ നേതൃത്വത്തിൽ 30 പച്ചത്തുരുത്തുകളുടെ നടീൽ ഉൽസവത്തിന് തുടക്കമായി. ദേവഹരിതം പച്ചത്തുരുത്ത് നടീൽ ഉൽസവത്തിന്റെ ജില്ലാതല ഉൽഘാടനം ചെറുതാഴം കുളപ്രം കാവിൽ എം വിജിൻ എംഎൽഎ നിർവഹിച്ചു. ജില്ലയിൽ 36 പഞ്ചായത്തുകളിലായി 68 പച്ചത്തുരുത്തുകളാണ് നിലവിലുള്ളത്.
ചെറുതാഴത്ത് ഒരേക്കർ സ്ഥലത്ത് ഫലവൃക്ഷത്തൈകൾ, ഔഷധസസ്യങ്ങൾ, തണൽ മരങ്ങൾ എന്നിവയാണ് നട്ടുപിടിപ്പിച്ചത്. ചെറുതാഴം പഞ്ചായത്ത് പ്രസിഡണ്ട് എം ശ്രീധരൻ അധ്യക്ഷനായിരുന്നു. വൈസ് പ്രസിഡണ്ട് പിപി രോഹിണി, കല്യാശ്ശേരി ബ്ളോക്ക് പഞ്ചായത്ത് സ്ഥിരം സമിതി അധ്യക്ഷൻ എവി രവീന്ദ്രൻ, ഹരിതകേരളം മിഷൻ ജില്ലാ കോ ഓർഡിനേറ്റർ ഇകെ സോമശേഖരൻ എന്നിവർ പങ്കെടുത്തു.
Also Read: കോവിഡ് പ്രതിസന്ധിയിലും വാടകയിളവില്ല; ഓഫിസ് ഒഴിഞ്ഞ് ടെക്നോപാർക്കിലെ 30ഓളം ഐടി കമ്പനികൾ