തിരുവനന്തപുരം: സംസ്ഥാനത്ത് പ്ളസ് വണ് വിദ്യാര്ഥികളുടെ പ്രവേശന നടപടികള് ഇന്ന് ആരംഭിക്കും. ഒക്ടോബര് ഒന്ന് വരെയാണ് പ്രവേശനം. വിഎച്ച്എസ്ഇ പ്രവേശനം 29നും അവസാനിക്കും.
കോവിഡ് മാനദണ്ഡം കൃത്യമായി പാലിച്ച് വേണം പ്രവേശന നടപടികള് എന്ന് വിദ്യാഭ്യാസ വകുപ്പ് നിര്ദ്ദേശം നൽകിയിട്ടുണ്ട്. ഒരു വിദ്യാര്ഥിയുടെ പ്രവേശന നടപടികള് പൂര്ത്തീകരിക്കുന്നതിനായി അനുവദിച്ചിരിക്കുന്ന സമയം 15 മിനിറ്റാണ്.
കഴിഞ്ഞ ദിവസമാണ് ആദ്യഘട്ട അലോട്ട്മെന്റ് പട്ടിക പ്രസിദ്ധീകരിച്ചത്. 4,65,219 പേരാണ് പ്ളസ് വൺ പ്രവേശനത്തിനായി അപേക്ഷിച്ചത്. ഇതിൽ 2,71,136 മെറിറ്റ് സീറ്റില് 2,18,418 പേര്ക്കാണ് അലോട്ട്മെന്റ് ലഭിച്ചത്.
ഇത്തവണ രണ്ടു ഘട്ടങ്ങളിലായി കൂടുതല് സീറ്റുകള് പ്ളസ് വണ്ണിന് വര്ധിപ്പിച്ചിരുന്നു. അതേസമയം പുതിയ ബാച്ച് അനുവദിക്കേണ്ട സാഹചര്യം ഉണ്ടാകില്ലെന്നാണ് സര്ക്കാര് വിലയിരുത്തല്.
Most Read: സ്കൂൾ തുറക്കൽ; ഇന്ന് ആരോഗ്യ-വിദ്യാഭ്യാസ വകുപ്പുകളുടെ ഉന്നതതല യോഗം