കൊച്ചി: വിവിധ പരിപാടികളുടെ ഉൽഘാടനത്തിനും തറക്കല്ലിടലിനുമായി പ്രധാനമന്ത്രി നരേന്ദ്രമോദി കൊച്ചിയിലെത്തി. ചെന്നൈയിൽ നിന്നു നാവികസേനാ വിമാനത്താവളത്തിൽ എത്തിയ അദ്ദേഹത്തെ മന്ത്രി ജി സുധാകരൻ സ്വീകരിച്ചു.
ഇവിടെ നിന്ന് ഹെലികോപ്റ്ററിൽ കാക്കനാട്ടെത്തുന്ന അദ്ദേഹം ബിപിസിഎൽ പെട്രോ കെമിക്കൽ പ്ളാന്റ് രാജ്യത്തിനു സമർപ്പിക്കും. 6100 കോടി രൂപ മുതൽമുടക്കുള്ള വിവിധ പരിപാടികളുടെ ഉൽഘാടനം പ്രധാനമന്ത്രിയുടെ സൗകര്യവും കോവിഡ് മാനദണ്ഡങ്ങളും കണക്കിലെടുത്ത് റിഫൈനറി പരിസരത്ത് ഒരുക്കുന്ന ഒറ്റ ചടങ്ങിലാകും നടക്കുന്നത്.
ചടങ്ങിൽ ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയൻ, കേന്ദ്ര മന്ത്രിമാരായ ധർമേന്ദ്ര പ്രധാൻ, മൻസുഖ് മാണ്ഡവ്യ, വി മുരളീധരൻ എന്നിവർ പങ്കെടുക്കും. 4.35ന് ബിജെപി കോർ കമ്മിറ്റി യോഗത്തിൽ 30 മിനിറ്റ് പങ്കെടുത്ത ശേഷം വൈകിട്ട് 5.55ന് അദ്ദേഹം വിമാന മാർഗം ഡെൽഹിയിലേക്ക് മടങ്ങും.
National News: തപോവൻ തുരങ്കത്തിൽ നിന്ന് മൃതദേഹങ്ങൾ കണ്ടെടുത്തു; മരിച്ചവരുടെ എണ്ണം 50 ആയി