കോഴിക്കോട് ∙ മിഠായിത്തെരുവിലെ തിരക്ക് നിയന്ത്രിക്കാനെത്തിയ പോലീസുകാർക്കെതിരെ പ്രതിഷേധവുമായി വ്യാപാരികൾ. ഇന്നലെ രാവിലെ മിഠായിത്തെരുവിലേക്കുള്ള പ്രവേശനഭാഗത്ത് പോലീസ് കയറു കെട്ടിയതോടെയാണ് പ്രതിഷേധത്തിനു തുടക്കമായത്. സാധനങ്ങൾ വാങ്ങാനെത്തുന്നവരെ പോലീസ് മനഃപൂർവം തടയുകയാണെന്നാണ് വ്യാപാരികൾ പറയുന്നത്.
എന്നാൽ ഉത്തരവിന്റെ ഭാഗമായാണ് നിയന്ത്രണമെന്ന് മിഠായിത്തെരുവിൽ ഡ്യൂട്ടിക്കുണ്ടായിരുന്ന പോലീസുകാർ അറിയിച്ചതോടെ വ്യാപാരികൾ സിറ്റി പോലീസ് കമ്മിഷണറെ കണ്ട് പരാതിപ്പെട്ടു. തുടർന്ന് ഉച്ചയോടെ നിയന്ത്രണങ്ങൾ പിൻവലിച്ച് പോലീസ് മടങ്ങി. കൈക്കുഞ്ഞുങ്ങളുമായി എത്തുന്നവരെയും 60 വയസിന് മുകളിലുള്ളവരെയും തിരക്കിലേക്ക് വിടാതിരിക്കാനാണ് കയർ കെട്ടി നിയന്ത്രിച്ചതെന്ന് പോലീസ് വ്യക്‌തമാക്കിയിരുന്നു.
Also Read: കോവിഡ് വ്യാപനം: കേരളം ആശങ്കപ്പെടേണ്ട സംസ്‌ഥാനങ്ങളിൽ ഒന്ന്; ഐസിഎംആർ
