സ്വകാര്യത ലംഘിച്ചു; ഗൂഗിളിനും ഫേസ്‌ബുക്കിനും പിഴയിട്ട് ഫ്രാൻസ്

By Staff Reporter, Malabar News
fb-google-fine
Representational Image
Ajwa Travels

പാരീസ്: യൂറോപ്യൻ യൂണിയന്റെ സ്വകാര്യതാ ചട്ടങ്ങൾ ലംഘിച്ചതിന് ഗൂഗിളിന് 1,264ഉം ഫേസ്ബുക്കിന് 505ഉം കോടി രൂപ വീതം പിഴ ചുമത്തിയതായി ഫ്രാൻസിലെ വിവരസുരക്ഷാ നിരീക്ഷകരായ സിഎൻഐഎൽ അറിയിച്ചു. ഗൂഗിളിന് സിഎൻഐഎൽ ചുമത്തുന്ന റെക്കോഡ് പിഴയാണിത്.

ഓൺലൈൻ ട്രാക്കറുകളായ കുക്കികൾ നിരസിക്കുന്നതിന് ഇന്റർനെറ്റ് ഉപഭോക്‌താക്കൾക്ക് ബുദ്ധിമുട്ടുണ്ടാക്കിയ നടപടിക്കാണ് പിഴ. ഗൂഗിളും ഫേസ്ബുക്കും യൂട്യൂബും ഉപഭോക്‌താക്കൾക്ക് കുക്കികൾ എളുപ്പത്തിൽ സ്വീകരിക്കാനുള്ള സൗകര്യം ഒരുക്കിയിട്ടുണ്ട്.

എന്നാൽ, അവ എളുപ്പത്തിൽ നിരസിക്കാൻ മാത്രം കമ്പനികൾ അവസരം നൽകുന്നില്ലെന്ന് സിഎൻഐഎൽ അറിയിച്ചു. ഈ രീതിയിൽ മാറ്റം വരുത്താൻ കമ്പനികൾക്ക് മൂന്നുമാസം സമയം അനുവദിച്ചിട്ടുണ്ട്.

ഇതിനകം പ്രശ്‌നം പരിഹരിച്ചില്ലെങ്കിൽ കാലതാമസം വരുത്തുന്ന ഓരോ ദിവസവും 84.25 ലക്ഷം രൂപ അധിക പിഴ അടക്കേണ്ടി വരുമെന്നും സിഎൻഐഎൽ പറഞ്ഞു. നടപടി നേരിട്ടതിന് പിന്നാലെ പ്രശ്‌നം ഉടൻ പരിഹരിക്കുമെന്ന് ഗൂഗിൾ പ്രതികരിച്ചു.

Read Also: കുതിരാനിലെ രണ്ടാം തുരങ്കം തുറക്കാൻ ഫയർ ഫോഴ്‌സിന്റെ അനുമതി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE