തിരുവനന്തപുരം: തമിഴ്നാട്ടിൽ സന്ദർശനം നടത്തുന്ന കോൺഗ്രസ് നേതാവ് രാഹുൽ ഗാന്ധിക്ക് കടലിൽ പോകുന്നതിന് വിലക്ക്. കന്യാകുമാരിയിൽ കടലിൽ പോകുന്നതിനാണ് വിലക്ക് ഏർപ്പെടുത്തിയത്. ജില്ലാ ഭരണകൂടത്തിന്റേതാണ് നടപടി. കോവിഡ് മാനദണ്ഡം ചൂണ്ടികാട്ടിയാണ് നടപടിയെന്നാണ് സൂചന.
രാഹുൽ ഗാന്ധിയുടെ കടൽ യാത്രക്കായി 12 ബോട്ടുകളാണ് തയാറാക്കിയിരിക്കുന്നത്. എന്നാൽ 5 പേരിൽ കൂടുതൽ അനുവദിക്കില്ലെന്ന് ചൂണ്ടികാട്ടിയാണ് കളക്ടർ അനുമതി നിഷേധിച്ചത്. ഇതേ തുടർന്ന് ബോട്ട് യാത്ര റദ്ദാക്കി.
കഴിഞ്ഞ ദിവസം കേരളത്തിൽ എത്തിയ രാഹുൽ ഗാന്ധി കൊല്ലത്ത് മൽസ്യത്തൊഴിലാളികൾക്ക് ഒപ്പം കടൽയാത്ര നടത്തിയിരുന്നു. അദ്ദേഹം മൽസ്യബന്ധനത്തിൽ പങ്കെടുക്കുകയും കടലിൽ നീന്തുകയും ചെയ്യുന്നതിന്റെ വീഡിയോ സമൂഹ മാദ്ധ്യമങ്ങളിൽ ശ്രദ്ധ നേടുകയും ചെയ്തിരുന്നു.
Read also: അമിത് ഷാ പറഞ്ഞത് കള്ളം; മാപ്പ് പറയണമെന്ന് വി നാരായണ സാമി