തിരുവനന്തപുരം: രാജ്യസഭ തിരഞ്ഞെടുപ്പിലെ ഇടതുമുന്നണി സ്ഥാനാർഥികളായ കൈരളി ടിവി എംഡി ജോൺ ബ്രിട്ടാസും എസ്എഫ്ഐ മുൻ അഖിലേന്ത്യാ പ്രസിഡണ്ട് ഡോ. വി ശിവദാസനും ഇന്ന് നാമനിർദേശ പത്രിക സമർപ്പിക്കും. യുഡിഎഫ് സ്ഥാനാർഥി പിവി അബ്ദുൽ വഹാബ് കഴിഞ്ഞ ദിവസം പത്രിക സമർപ്പിച്ചിരുന്നു.
നാളെയാണ് പത്രിക സമർപ്പിക്കേണ്ട അവസാന തീയതി. ബുധനാഴ്ച പത്രികകളുടെ സൂക്ഷ്മ പരിശോധന നടക്കും. 23 വരെ പത്രികകൾ പിൻവലിക്കാം. മുപ്പതിനാണ് വോട്ടെടുപ്പ്. നിയമസഭയിലെ അംഗബലം അനുസരിച്ച് ഇടതുമുന്നണിക്ക് രണ്ടും യുഡിഎഫിന് ഒന്നും സ്ഥാനാർഥികളെ വിജയിപ്പിക്കാനാകും. മൂന്നിൽ കൂടുതൽ സ്ഥാനാർഥികൾക്ക് പത്രിക സമർപ്പിക്കാനായില്ലെങ്കിൽ 23ന് തന്നെ ജോൺ ബ്രിട്ടാസ്, ഡോ. വി ശിവദാസൻ, പിവി അബ്ദുൽ വഹാബ് എന്നിവരെ തിരഞ്ഞെടുത്തതായി പ്രഖ്യാപിക്കും.
Read also: തിരഞ്ഞെടുപ്പ് റാലികളിൽ മമത ഇനിമുതൽ അരമണിക്കൂർ മാത്രം പങ്കെടുക്കും; തൃണമൂൽ