പാലക്കാട്: ജില്ലാ പഞ്ചായത്ത് പ്രസിഡന്റിനെതിരെ ബന്ധു നിയമന ആരോപണവുമായി കോൺഗ്രസ്. ജില്ലാ പഞ്ചായത്തിന്റെ നിയന്ത്രണത്തിലുള്ള സ്ഥാപനങ്ങളില് ബന്ധുക്കള്ക്ക് പിന്വാതിലിലൂടെ നിയമനം നല്കിയെന്നാണ് കോൺഗ്രസിന്റെ ആരോപണം. ആരോപണ വിധേയനായ പ്രസിഡന്റ് രാജിവെക്കണമെന്ന് കോണ്ഗ്രസ് ഒ.ബി.സി ഡിപ്പാർട്മെന്റ് സംസ്ഥാന ചെയര്മാന് സുമേഷ് അച്യുതന് വാർത്താസമ്മേളനത്തില് ആവശ്യപ്പെട്ടു.
“കഴിഞ്ഞ നാലര വര്ഷത്തിനിടെ പ്രസിഡന്റ് തന്റെ അഞ്ച് ബന്ധുക്കള്ക്ക് ആരോഗ്യ വകുപ്പിൽ നിയമനം നല്കിയത് സത്യപ്രതിജ്ഞ ലംഘനമാണ്. പ്രസിഡന്റിന്റെ കോണ്ഫിഡന്ഷ്യല് അസിസ്റ്റന്റിന്റെ സഹോദരിമാര്ക്കും അവരുടെ ഭര്ത്താക്കന്മാര്ക്കും ആരോഗ്യ വകുപ്പിൽ നിയമനം ലഭിച്ചത് പിന്വാതിലിലൂടെയാണ്. കഴിഞ്ഞ നാലരവര്ഷത്തിനിടെ ജില്ലാ പഞ്ചായത്തിന് കീഴിലുള്ള സ്ഥാപനങ്ങളിൽ നടന്ന നിയമനങ്ങൾ മുഴുവൻ പരിശോധിക്കണം”- സുമേഷ് അച്യുതൻ ആവശ്യപ്പെട്ടു.
അതേസമയം, ആശുപത്രി മാനേജ്മെന്റ് കമ്മിറ്റി തീരുമാനപ്രകാരം നടപടിക്രമം പാലിച്ചാണ് മുഴുവൻ നിയമനങ്ങളും നടന്നിട്ടുള്ളതെന്നും ആരോപണങ്ങൾ അടിസ്ഥാനരഹിതമാണെന്നും ജില്ല പഞ്ചായത്ത് വൈസ് പ്രസിഡൻറ് ടി.കെ. നാരായണ ദാസ് പറഞ്ഞു.
Note: This is a demo news content for trail run purpose