പത്തനംതിട്ട: ശബരിമല തീർഥാടനത്തിനുള്ള നിയന്ത്രണങ്ങളിൽ കൂടുതൽ ഇളവുകൾ നിലവിൽ വന്നു. വിർച്വൽ ക്യൂ ബുക്കിങ്ങിന്റെ പരിധി 40,000ത്തിലേക്ക് ഉയർത്തി. 5,000 പേർക്ക് സ്‌പോട് ബുക്കിങ്ങിലൂടെയും ദർശനത്തിനെത്താം.
സന്നിധാനത്തെ തിരക്ക് വർധിക്കുന്നതും അടിസ്‌ഥാന സൗകര്യങ്ങൾ മെച്ചപ്പെട്ടതും കണക്കിലെടുത്താണ് നിയന്ത്രണങ്ങളിൽ കൂടുതൽ ഇളവ് അനുവദിച്ചത്. പമ്പ, നിലയ്‌ക്കൽ, എരുമേലി, കുമളി അടക്കം 10 കേന്ദ്രങ്ങളിൽ നിന്ന് സ്‌പോട്ട് ബുക്കിങ് വഴി 5,000 പേർക്കും ദർശനത്തിനെത്താം.
രണ്ട് ഡോസ് കോവിഡ് വാക്‌സിനേഷൻ, അല്ലെങ്കിൽ 72 മണിക്കൂർ മുൻപുള്ള ആർടിപിസിആർ നെഗറ്റീവ് സർട്ടിഫിക്കറ്റ് നിർബന്ധമാണ്. എന്നാൽ അഞ്ച് വയസിനു താഴെയുള്ള വരെ ഇതിൽനിന്ന് ഒഴിവാക്കിയിട്ടുണ്ട്. തിരിച്ചറിയൽ രേഖയായി ആധാർ കാർഡ് കരുതണം.
നെയ്യഭിഷേകത്തിനുള്ള നിയന്ത്രണം തുടരും. എന്നാൽ, നെയ്യഭിഷേകത്തിന്റെ സമയപരിധി കൂട്ടുന്നത് പരിഗണനയിലുണ്ട്. നിലവിൽ പ്രത്യേക കൗണ്ടറുകൾ വഴിയാണ് അഭിഷേകത്തിനുള്ള നെയ്യ് ശേഖരിക്കുന്നതും പ്രസാദം വിതരണം ചെയ്യുന്നതും. പരമ്പരാഗത പാതയായ നീലിമല വഴിയുള്ള മലകയറ്റം അനുവദിക്കുന്നതിലും തീരുമാനം ഉടനുണ്ടാകും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
