മലപ്പുറം: സാന്ത്വന സേവന പ്രവർത്തനങ്ങളുടെ ഭാഗമായി മഞ്ചേരിയിൽ എസ്വൈഎസ് നേതൃത്വത്തിൽ നിരാലംബർക്കായി നിർമ്മിക്കുന്ന സാന്ത്വന സദനത്തിന്റെ ആവശ്യത്തിലേക്ക് സഹായ ഹസ്തവുമായി പ്രവാസി സുഹൃത്തുക്കളും.
കഴിഞ്ഞ ദിവസം സാന്ത്വന സദനം സമര്പ്പണത്തിന്റെ ഭാഗമായി സംഘടിപ്പിച്ച എന്റെ കൈനീട്ടം സ്വീകരണ സംഗമ ചടങ്ങിലേക്കാണ് ഇന്ത്യൻ കൾചറൽ ഫൗണ്ടേഷൻ (ഐസിഎഫ്) റിയാദ് സെൻട്രൽ കമ്മിറ്റി ഭാരവാഹികൾ രണ്ടേകാൽ ലക്ഷത്തിലധികം രൂപ സഹായമായി എത്തിച്ചത്. സമൂഹത്തിന്റെ സകല മേഖലകളിൽ നിന്നും ഈ സദുദ്യമത്തെ പ്രോൽസാഹിപ്പിച്ച് കൊണ്ട് നൂറുകണക്കിന് പേരാണ് കടന്നു വരുന്നത്.
ഐസിഎഫ് സൗദി നാഷണൽ കമ്മിറ്റി ഫിനാൻസ് സെക്രട്ടറി അബൂബക്കർ അൻവരി, റിയാദ് സെൻട്രൽ കമ്മിറ്റി ഭാരവാഹികളായ ഫൈസൽ മമ്പാട്, അബ്ദുൽ കരീം ഹാജി വെട്ടിച്ചിറ, ഫള്ലുറഹ്മാൻ കുട്ടശ്ശേരി, താജുദ്ധീൻ സഖാഫി മൂട്ടിപ്പാലം തുടങ്ങിയവരാണ് ചടങ്ങിൽ സംബന്ധിച്ചത്. മൂന്ന് കോടി രൂപ മുതൽ മുടക്കിൽ തയ്യാറാക്കുന്ന സാന്ത്വന സദനം 2020 ഡിസംബർ 20നാണ് നാടിന് സമർപ്പിക്കുന്നത്.
Most Read: കര്ഷക സമരത്തിലെ പൊലീസ് അതിക്രമം പുറത്തെത്തിച്ച ഫോട്ടോഗ്രാഫര്ക്ക് നേരെ ആക്രമണം