റിയാദ്: ലോകത്തിന്റെ വിവിധ ഭാഗങ്ങളിൽ നിന്നും പ്രമുഖ പ്രസാധകരും എഴുത്തുകാരും കലാസംഘങ്ങളും പങ്കെടുക്കുന്ന റിയാദ് അന്താരാഷ്ട്ര പുസ്തകമേള മാറ്റിവച്ചു. ഈ വർഷം ഏപ്രിലിൽ നടക്കേണ്ടിയിരുന്ന മേളയാണ് ഒക്ടോബറിലേക്ക് മാറ്റിയത്. കോവിഡ് വ്യാപനത്തെ തുടർന്നുള്ള നിയന്ത്രണങ്ങളും കരുതല് നടപടികളും തുടരുന്ന സാഹചര്യത്തിലാണ് മേള മാറ്റിയതെന്ന് സൗദി അധികൃതര് അറിയിച്ചു.
ബുക്ക് പബ്ളിഷിങ് ആന്ഡ് ട്രാന്സിലേഷന് കമ്മീഷനാണ് മേള നടത്തിപ്പിന്റെ ചുമതല. ഒക്ടോബറില് നടക്കുന്ന മേളയില് പങ്കെടുക്കുന്ന എല്ലാവര്ക്കും സുരക്ഷിതവും ആരോഗ്യകരവുമായ അന്തരീക്ഷം ഒരുക്കാനുള്ള ശ്രമങ്ങൾ ആരംഭിച്ചതായി അറിയിച്ചു. വർഷത്തിൽ അഞ്ച് ലക്ഷത്തോളം പേർ പങ്കെടുക്കുന്ന മേളയാണ് റിയാദിലേത്.
Read Also: ഇന്ത്യയെ തള്ളി ചൈന; ബ്രഹ്മപുത്രയിലെ അണക്കെട്ട് നിർമാണം മുന്നോട്ട് തന്നെ