ബ്രസീലിയന്‍ ഫുട്‌ബോള്‍ ഇതിഹാസം റൊണാള്‍ഡീഞ്ഞോക്ക് കോവിഡ് സ്‌ഥിരീകരിച്ചു. താരം തന്നെയാണ് ഇക്കാര്യം സാമൂഹിക മാദ്ധ്യമങ്ങളിലൂടെ അറിയിച്ചത്. തനിക്ക് രോഗ ലക്ഷണങ്ങള്‍ ഒന്നുംതന്നെ ഉണ്ടായിരുന്നില്ലെന്നും ഇപ്പോള്‍ ആരോഗ്യ നില തൃപ്‌തികരമാണെന്നും രണ്ടു തവണ ലോകത്തെ മികച്ച കളിക്കാരനുള്ള ഫിഫ പുരസ്‌കാരം നേടിയ റൊണാള്‍ഡീഞ്ഞോ ആരാധകരോട് പറഞ്ഞു.
ബ്രസീലിനായും ബാഴ്‌സലോണക്കായും കളിക്കളത്തില്‍ അല്‍ഭുതങ്ങള്‍ സൃഷ്‌ടിച്ച റൊണാള്‍ഡീഞ്ഞോക്ക് ഇന്നലെ നടത്തിയ പരിശോധനയില്‍ ആണ് കൊറോണ വൈറസ് ബാധ സ്‌ഥിരീകരിച്ചത്. നിലവില്‍ ബ്രസീലില്‍ ആണ് താരം ഉള്ളത്.
പരാഗ്വേയില്‍ നിന്ന് അടുത്തിടെയാണ് റൊണാള്‍ഡീഞ്ഞോ ബ്രസീലില്‍ തിരികെ എത്തിയത്. വ്യാജ പാസ്‌പോര്‍ട്ട് കേസില്‍ തന്റെ സഹോദരടൊപ്പം പരാഗ്വേയില്‍ തടവിലായിരുന്നു അവസാന മാസങ്ങളില്‍ ഇദ്ദേഹം.
National News: ചീഫ് ജസ്‌റ്റിസിനെ വിമര്‍ശിച്ച് വീണ്ടും പ്രശാന്ത് ഭൂഷണ്‍; പിന്നാലെ പരാതിയും
