ന്യൂഡെല്‍ഹി: ആം ആദ്മി പാര്‍ട്ടി നേതാവും ഡെല്‍ഹി പരിസ്‌ഥിതി മന്ത്രിയുമായ ഗോപാല്‍ റായ്‌ക്ക് കോവിഡ് സ്‌ഥിരീകരിച്ചു. മന്ത്രി തന്നെയാണ് ഇക്കാര്യം ട്വിറ്ററിലൂടെ അറിയിച്ചത്.
പ്രാഥമിക ലക്ഷണങ്ങള്‍ ഉണ്ടായതിനെ തുടര്‍ന്ന് നടത്തിയ പരിശോധനയില്‍ കോവിഡ് പോസിറ്റീവാണെന്ന് കണ്ടെത്തിയതായി ഗോപാല്‍ റായ് ട്വീറ്റിലൂടെ വ്യക്‌തമാക്കി. കൂടാതെ കഴിഞ്ഞ കുറച്ച് ദിവസങ്ങളില്‍ താനുമായി ബന്ധപ്പെട്ടിരുന്ന മുഴുവന്‍ പേരോടും നിരീക്ഷണത്തില്‍ കഴിയാനും കോവിഡ് ടെസ്‌റ്റിന് വിധേയമാകാനും അദ്ദേഹം അഭ്യര്‍ഥിച്ചു.
शुरुआती लक्षणों के बाद कोरोना टेस्ट कराया था जिसकी रिपोर्ट पॉजिटिव आई है। पिछले कुछ दिनों में जो लोग भी मेरे संर्पक में आए हैं कृपया वो अपना ध्यान रखें और टेस्ट करवा लें।
— Gopal Rai (@AapKaGopalRai) November 26, 2020
ആം ആദ്മി പാര്‍ട്ടിയുടെ നേതൃത്വത്തിലുള്ള ഡെല്‍ഹി മന്ത്രിസഭയില്‍ കോവിഡ് സ്‌ഥിരീകരിക്കുന്ന മൂന്നാമത്തെ മന്ത്രിയാണ് ഗോപാല്‍ റായ്. നേരത്തെ ഉപമുഖ്യമന്ത്രി മനീഷ് സിസോഡിയയും ആരോഗ്യമന്ത്രി സത്യേന്ദര്‍ ജെയിനും കോവിഡ് സ്‌ഥിരീകരിച്ചിരുന്നു.
Read Also: വിഡി സതീശൻ എംഎൽഎക്ക് എതിരെ വിജിലൻസ് അന്വേഷണം
