കീവ്: ആക്രമണവും പ്രതിരോധവുമായി യുദ്ധം കലുഷിതമാകവേ യുക്രൈനുമായി ചര്ച്ചയ്ക്ക് തയ്യാറാണെന്ന് അറിയിച്ച് റഷ്യ. ബെലാറസില് വച്ച് ചര്ച്ച നടത്താമെന്നാണ് റഷ്യ അറിയിച്ചിരിക്കുന്നത്. റഷ്യന് പ്രതിനിധി സംഘം ബെലാറസിലെത്തി. എന്നാല് ബെലാറസില് ചര്ച്ചക്കില്ലെന്ന് അറിയിച്ച യുക്രൈന് പ്രസിഡണ്ട് സെലെൻസ്കി നാറ്റോ സഖ്യരാജ്യങ്ങളില് നഗരങ്ങളിൽ ചര്ച്ചയാകാമെന്ന് നിര്ദ്ദേശിച്ചു.
വാഴ്സ, ഇസ്താംബൂള്, ബൈകു എന്നിവിടങ്ങളില് ചര്ച്ചയാകാമെന്നാണ് യുക്രൈന് പ്രസിഡണ്ട് അറിയിച്ചിരിക്കുന്നത്. റഷ്യക്കൊപ്പം നില്ക്കുന്ന രാജ്യമാണ് ബെലാറസ്. ആവശ്യമെങ്കില് ബെലാറസ് സൈന്യം റഷ്യന് സൈന്യത്തിന് ഒപ്പം ചേരുമെന്ന് പ്രസിഡണ്ട് പ്രഖ്യാപിക്കുകയും ചെയ്തിരുന്നു. റഷ്യയെപ്പോലെ തന്നെ യുക്രൈന് മറ്റൊരു ശത്രു രാജ്യമാണ് ബെലാറസ്. അതുകൊണ്ടാണ് ബെലാറസില് വച്ചുള്ള ചര്ച്ചയിലേക്ക് ഇല്ലെന്ന് യുക്രൈന് പ്രസിഡണ്ട് അറിയിച്ചിരിക്കുന്നത്.
യുക്രൈന് നഗരങ്ങളില് കടന്നുകയറി റഷ്യ ആക്രമണം തീവ്രമാക്കുന്നതിനിടെയാണ് ചര്ച്ചയ്ക്ക് സന്നദ്ധത അറിയിച്ചിരിക്കുന്നത്. കീവില് ഇരുസൈന്യവും തമ്മില് തെരുവ് യുദ്ധം നടക്കുകയാണ്. നോവകഖോവ റഷ്യ പിടിച്ചെടുത്തെന്ന് യുക്രൈന് സ്ഥിരീകരിച്ചു. സുമിയില് ഏറ്റുമുട്ടല് തുടരുകയാണ്. ഒഡേസയില് ഡ്രോണ് ആക്രമണം നടന്നു. കീവില് സ്ഫോടനങ്ങള് നടക്കുകയും വ്യോമാക്രമണ മുന്നറിയിപ്പ് നല്കുകയും ചെയ്തിട്ടുണ്ട്.
Read Also: നിയമസഭാ തിരഞ്ഞെടുപ്പ്; യുപിയിൽ ഇന്ന് അഞ്ചാം ഘട്ടം