തിരുവനന്തപുരം: കോവിഡ് കാലത്ത് ശമ്പളത്തിൽ നിന്ന് പിടിച്ച തുക തിരികെ കിട്ടാൻ സർക്കാർ ജീവനക്കാർ ഇനിയും ഒരുമാസം കാത്തിരിക്കേണ്ടി വരും. ഏപ്രിൽ മുതൽ 5 തവണയായി നൽകുമെന്ന മുൻ പ്രഖ്യാപനത്തിൽ നിന്ന് സർക്കാർ പിൻമാറി. മെയ് മുതൽ 5 ഗഡുക്കളായി നൽകുമെന്ന് ധനമന്ത്രി തോമസ് ഐസക് പറഞ്ഞു.
ഈ മാസം ശമ്പള വർധന ഉൾപ്പെടെ നടപ്പാകുന്നതിനാൽ സെർവറിൽ ഉണ്ടാകാനിടയുള്ള തിരക്കും മറ്റും കണക്കിലെടുത്താണ് തീരുമാനമെന്നാണ് മന്ത്രിയുടെ വിശദീകരണം. ട്രഷറികൾ ദുഃഖവെള്ളി, ഈസ്റ്റർ ദിവസങ്ങളിൽ പ്രവർത്തിക്കും. ജീവനക്കാർക്ക് നിയന്ത്രിത അവധി അനുവദിച്ചിട്ടുണ്ട്. ശമ്പള –പെൻഷൻ വിതരണം മൂന്നു ദിവസത്തിനുള്ളിൽ പൂർത്തിയാക്കുമെന്നും മന്ത്രി പറഞ്ഞു.
Read Also: താൻ ചേർന്നതോടെ ബിജെപിയുടെ പ്രതിഛായ മാറി; ഇ ശ്രീധരൻ