മഞ്ചേരി: എസ്വൈഎസ് നേതൃത്വത്തിൽ നടന്ന സൗഹൃദ സംഗമം ശ്രദ്ധേയമായി. മാനവസേവാ രംഗത്ത് വിവിധോദ്ദേശങ്ങളോടെ എസ്വൈഎസ് നടപ്പിലാക്കുന്ന പദ്ധതിയാണ് സാന്ത്വന സദനം. മഞ്ചേരി ഇരുപത്തിരണ്ടാം മൈലിൽ പണി പൂർത്തീകരിച്ച് നാളെ സമൂഹത്തിന് സമർപ്പിക്കുന്ന സാന്ത്വന സദനവുമായി ബന്ധപ്പെട്ടാണ് സൗഹൃദ സംഗമം സംഘടിപ്പിച്ചത്.
ഇന്നലെ ആരംഭിച്ച സമ്മേളനം നാളെ നാലുമണിക്ക് കാന്തപുരം എപി അബൂബക്കര്‍ മുസ്‌ലിയാർ സാന്ത്വന സദനം നാടിന് സമർപ്പിക്കുന്നതോടെ അവസാനിക്കും. സമൂഹത്തിന്റെ നാനാതുറകളിൽ നിന്നുള്ളവരുടെ പിന്തുണയും സഹകരണവും ‘സാന്ത്വന സദനത്തിന്’ വേണ്ടി പ്രഖ്യാപിക്കുന്ന ചടങ്ങായി മാറിയ സൗഹൃദ സംഗമം അഡ്വ. എം ഉമ്മർ എംഎൽഎയാണ് ഉൽഘാടനം ചെയ്തത്.
സിദ്ധീഖ് സഖാഫി വഴിക്കടവ് അധ്യക്ഷനായ ചടങ്ങിൽ അഡ്വ. പിപിഎ സഗീർ, കെസി കൃഷ്‌ണദാസ് രാജ, ഖാലിദ് മഞ്ചേരി, സജറുദ്ധീൻ മൊയ്‌തു, അബ്‌ദുറഹീം കരുവള്ളി, സികെ ശക്കീർ അരിമ്പ്ര, ഒഎംഎ റഷീദ് ഹാജി, പി അബ്‌ദുള്ള ഹാജി മുട്ടിപ്പാലം, താജുദ്ധീൻ സഖാഫി മുട്ടിപ്പാലം, യൂസുഫ് പെരിമ്പലം, യുടിഎം ശമീർ പുല്ലൂർ എന്നിവർ പ്രസംഗിച്ചു.
നാളെ നടക്കുന്ന സമർപ്പണ സമ്മേളനത്തിൽ സയ്യിദ് ഇബ്രാഹീമുൽ ഖലീലുൽ ബുഖാരി തങ്ങൾ, മുഹിയിസുന്ന പൊൻമള അബ്‌ദുൽ ഖാദിർ മുസ്‌ലിയാർ, സയ്യിദ് ഹബീബ് കോയ തങ്ങൾ, കേരള നിയമസഭാ സ്‌പീക്കർ പി ശ്രീരാമകൃഷ്‌ണൻ, മന്ത്രി ഡോ. കെടി ജലീൽ, എപി അനിൽ കുമാർ തുടങ്ങിയ പ്രമുഖർ സംബന്ധിക്കും.
Most Read: കള്ളപ്പണം വെളുപ്പിക്കൽ; ഫാറൂഖ് അബ്‌ദുല്ലയുടെ 11.86 കോടിയുടെ സ്വത്തുക്കൾ കണ്ടുകെട്ടി
