ന്യൂഡെൽഹി: കോവിഡിന്റെ രണ്ടാം വ്യാപനം രൂക്ഷമാകുന്ന സാഹചര്യത്തിൽ മെയ് 23ന് നടത്താനിരുന്ന ഫാർമസിസ്‌റ്റ്, ഡാറ്റാ അനലിസ്‌റ്റ് തസ്‌തികകളിലെ പരീക്ഷകൾ സ്‌റ്റേറ്റ് ബാങ്ക് ഓഫ് ഇന്ത്യ മാറ്റിവെച്ചു. പുതുക്കിയ പരീക്ഷാ തീയതി പ്രഖ്യാപിച്ചിട്ടില്ല. ഓൺലൈനായി നടത്താനിരുന്ന പരീക്ഷയാണ് മാറ്റിവെച്ചത്.
പരീക്ഷയുടെ ഹാൾടിക്കറ്റ് ഇതിനോടകം പ്രസിദ്ധീകരിച്ചിട്ടുണ്ട്. പരീക്ഷയുടെയും അഭിമുഖത്തിന്റെയും അടിസ്‌ഥാനത്തിലാണ് ഈ തസ്‌തികകളിലെ അന്തിമഫലം പ്രഖ്യാപിക്കുക. അതേസമയം, എസ്ബിഐ ജൂനിയർ അസോസിയേറ്റ് തസ്‌തികയിലേക്ക് അപേക്ഷിക്കാനുള്ള അവസാന തീയതി ഇന്നാണ്. 5,000ത്തോളം ഒഴിവുകളുള്ള തസ്‌തികയിലേക്ക് 20നും 28നും പ്രായമുള്ളവർക്ക് അപേക്ഷിക്കാം.
Read also: ചീപ്പിലുമുണ്ട് രഹസ്യം; ആരോഗ്യമുള്ള മുടിക്ക് ഉത്തമം ‘നീം ചീപ്പ്’
