തിരുവനന്തപുരം: കേരളത്തിലെ ഡാമുകൾക്ക് സുരക്ഷാ ഭീഷണി ഉണ്ടെന്ന് വ്യക്തമാക്കി ഐബി റിപ്പോർട്. സംസ്ഥാനത്തെ ചെറുതും വലുതുമായി 14 ഡാമുകൾക്കാണ് സുരക്ഷാ ഭീഷണിയുള്ളത്. ഈ സാഹചര്യത്തിൽ ഡാമുകളുടെ സുരക്ഷാ ചുമതല സ്റ്റേറ്റ് ഇൻഡസ്ട്രിയൽ സെക്യൂരിറ്റി ഫോഴ്സിനെ ഏൽപ്പിച്ചേക്കുമെന്നാണ് റിപ്പോർട്ടിൽ വ്യക്തമാക്കുന്നത്.
ഡാമുകൾക്ക് സുരക്ഷാ ഭീഷണി ഉണ്ടെന്ന റിപ്പോർട് പുറത്തു വന്നതോടെ ഇടുക്കി റിസർവോയറിനും അനുബന്ധ ഡാമുകൾക്കും അടിയന്തരമായി സുരക്ഷ കൂട്ടാൻ സാധ്യതയുണ്ട്. കൂടാതെ വയനാട്ടിലെ ബാണാസുര സാഗർ അണക്കെട്ടിന് സമീപം മാവോയിസ്റ്റ് സംഘത്തെ കണ്ടതായി റിപ്പോർട്ടുകൾ ഉണ്ടായിരുന്നു. ഈ സാഹചര്യത്തിൽ 14 ഡാമുകളിലേക്കും വൈകാതെ ഡിപ്ളോയ്മെന്റുണ്ടാകും. സായുധ പോലീസ് സംഘത്തെയാകും ഇവിടെയെല്ലാം നിയോഗിക്കുക.
Read also: സൈലന്റ് വാലിയിൽ വാച്ചർ രാജനായുള്ള തിരച്ചിൽ അവസാനിപ്പിച്ചേക്കും