പാലക്കാട്: അഴിമതിക്കേസുകൾ അന്വേഷിക്കുന്ന കേന്ദ്ര അന്വേഷണ ഉദ്യാഗസ്ഥർക്ക് എതിരെ കേസെടുത്ത മുഖ്യമന്ത്രി പിണറായി വിജയനെതിരേ ക്രിമിനൽ കേസ് എടുക്കണമെന്ന് യുഡിഎഫ് കൺവീനർ എംഎം ഹസൻ. മങ്കര വെള്ളറോഡിൽ യുഡിഎഫ് പൊതുയോഗം ഉൽഘാടനം ചെയ്ത് സംസാരിക്കുക ആയിരുന്നു അദ്ദേഹം.
ഏപ്രിൽ ആറിന് കേരളജനത അഞ്ചു വർഷത്തെ ഇടത് ദുർഭരണത്തിനെതിരേ വിധിയെഴുതുമെന്നും അദ്ദേഹം കൂട്ടിച്ചേർത്തു. കോൺഗ്രസ് മങ്കര മണ്ഡലം കമ്മിറ്റി പ്രസിഡണ്ട് എൻ അച്യുതൻകുട്ടി അധ്യക്ഷനായ ചടങ്ങിൽ ഡിസിസി സെക്രട്ടറിമാരായ എംഎൻ ഗോകുൽദാസ്, ദിവാകരൻ, യൂത്ത് ലീഗ് ജില്ലാ സെക്രട്ടറി സിപി സാദിക്, സി വിനയൻ, ബ്ളോക്ക് പഞ്ചായത്തംഗം ജിത്തു, സുബൈർ കല്ലൂർ എന്നിവർ സംസാരിച്ചു.
Malabar News: മയ്യിലില് സിപിഐഎം-മുസ്ലിം ലീഗ് സംഘര്ഷം