മസ്ക്കറ്റ്: മരുന്നുമായി ഒമാനിലേക്ക് യാത്ര ചെയ്യുന്ന ആളുകൾ കൃത്യമായ രേഖകൾ കയ്യിൽ കരുതണമെന്ന് മുന്നറിയിപ്പ് നൽകി അധികൃതർ. ഒമാൻ എയർപോർട്ട്സ് അധികൃതരാണ് നിർദ്ദേശം നൽകിയിരിക്കുന്നത്. നിലവിൽ നിരവധി ആളുകളാണ് കൃത്യമായ രേഖകൾ ഇല്ലാതെ വ്യത്യസ്ത മരുന്നുകളുമായി രാജ്യത്തെത്തുന്നത്. വിമാനത്താവളങ്ങളിൽ റോയൽ ഒമാൻ പോലീസ് നടത്തിയ പരിശോധനകളിൽ ഇത് കണ്ടെത്തുകയും ചെയ്തിട്ടുണ്ട്.
മരുന്നുകളുമായി എത്തുന്ന ആളുകളുടെ പക്കൽ കൃത്യമായ രേഖകൾ ഇല്ലാത്തപക്ഷം വിമാനത്താവളങ്ങളിൽ ഇവർക്ക് കാലതാമസം നേരിടേണ്ടി വരാറുണ്ട്. പരിശോധനകൾ കർശനമാക്കിയതിന് പിന്നാലെയാണിത്. അതിനാൽ തന്നെ സുഖകരമായ യാത്രക്ക് ആവശ്യമായ കുറിപ്പടികളും മരുന്നുകൾക്കൊപ്പം കരുതണമെന്ന് ഒമാൻ എയർപോർട്ട്സ് അധികൃതർ വ്യക്തമാക്കി.
Read also: കോഴിക്കോട് വിദ്യാർഥിയെ ആക്രമിച്ച് കാട്ടുപന്നി; വെടിവച്ചു കൊന്നു