മഞ്ചേരി: കേന്ദ്ര സർക്കാർ നിരന്തരമായി തുടർന്ന് കൊണ്ടിരിക്കുന്ന ജനദ്രോഹ, അപരവൽക്കരണ, കോർപറേറ്റ് പ്രീണന നയങ്ങൾക്കെതിരെ ഇന്ന് എസ്‌എസ്‌എഫ് സംസ്‌ഥാന വ്യാപകമായി സമരദിനം ആചരിക്കുന്നു. ‘രാജ്യം ബഹളം വെക്കുന്നു ‘എന്ന ശീർഷകത്തിലാണ് പ്രതിഷേധ സമരം നടക്കുക.
മലപ്പുറം ജില്ലയിലെ ഈസ്‌റ്റ് പ്രദേശങ്ങളിൽ നിന്ന് മാത്രം 677 കേന്ദ്രങ്ങളിൽ സമരംനടക്കും. വിവിധ ഘടകങ്ങളിലെ ഭാരവാഹികളും കാൽ ലക്ഷം പ്രവർത്തകരും അവരവരുടെ വീടുകളിലും സൗകര്യപ്രദമായ മറ്റു സാഹചര്യങ്ങളിലൂടെയും സമരത്തിന്റെ ഭാഗമാവും.
ഉച്ചക്ക് പന്ത്രണ്ട് മണി മുതൽ ഒരു മണി വരെയാണ് ജില്ലയിൽ സമരം നടക്കുക. സമരങ്ങൾ ഒഫീഷ്യൽ ഫേസ്ബുക്‌ പേജുകൾ വഴി സംപ്രേഷണം ചെയ്യും.
Most Read: മീഡിയവൺ തിരുത്താൻ അനുവദിച്ചില്ല: രാജ്യദ്രോഹകേസിൽ ഇന്ന് ‘ഐഷ’ ഉദ്യോഗസ്‌ഥർക്ക്‌ മുന്നിൽ
