പത്തനംതിട്ട: നഗരത്തിന്റെ വിവിധ ഭാഗങ്ങളിൽ പ്രവർത്തിക്കുന്ന ഹോട്ടലുകളിൽ ആരോഗ്യവിഭാഗം നടത്തിയ പരിശോധനയി പഴകിയ ഭക്ഷണം പിടികൂടി.
പത്തനംതിട്ട നഗരത്തിലെ ശാന്തി ഹോട്ടൽ, തനിമ ഹോട്ടൽ, ഇന്ത്യാ കോഫി ഹൗസ്, തോംസൺ ബേക്കറി, ഗോൾഡൻ ബേക്കറി, ഖലീല ബോർമ, ജോസ് ഹോട്ടലുകൾ എന്നിവിടങ്ങളിൽ നിന്നാണ് ഇന്ന് പഴകിയ ഭക്ഷണ സാധനങ്ങൾ പിടികൂടിയത്. ഇത് നഗരസഭയുടെ ആരോഗ്യവിഭാഗം പിടികൂടി നശിപ്പിച്ചു. മറ്റ് പോരായ്‌മ കണ്ടെത്തിയ ഹോട്ടലുകൾക്ക് നോട്ടീസ് നൽകിയിട്ടുണ്ട്.
കഴിഞ്ഞ ആഴ്‌ച ജില്ലയിൽ നടത്തിയ പരിശോധനയിൽ എട്ടോളം ഹോട്ടലുകൾക്കെതിരെ നടപടിയെടുത്തിരുന്നു. എന്നാൽ ഇതൊന്നും തന്നെ ഹോട്ടലുകളെ മാറിചിന്തിക്കാൻ പ്രേരിപ്പിക്കുന്നില്ല എന്നതാണ് ഇന്നത്തെയടക്കമുള്ള പരിശോധനകൾ വ്യക്‌തമാക്കുന്നത്‌.
Most Read: മലേഷ്യ ഓപ്പണ്‍; കശ്യപ് ക്വാര്‍ട്ടര്‍ കാണാതെ പുറത്ത്
