കണ്ണൂർ: ഫാദർ സ്റ്റാൻ സ്വാമി ഭരണകൂട ഭീകരതയുടെ ഇരയെന്ന മുദ്രാവാക്യമുയർത്തി എസ്എഫ്ഐ ജില്ലാ കമ്മിറ്റി പ്രതിരോധ സദസ് സംഘടിപ്പിച്ചു. കണ്ണൂർ കാൾടെക്സിൽ നടന്ന പരിപാടി മുൻ എംഎൽഎ ടിവി രാജേഷ് ഉൽഘാടനം ചെയ്തു. പാവപ്പെട്ടവർക്കും നിരാലംബർക്കുമായി പ്രവൃത്തിച്ചിരുന്ന സ്റ്റാൻ സ്വാമിയെ അന്യായമായാണ് തടങ്കലിൽ അടച്ചതെന്ന് ടിവി രാജേഷ് പറഞ്ഞു. സ്റ്റാൻഡ് വിത്ത് ഡെമോക്രസി എന്ന പേരിലാണ് പ്രതിരോധ സദസ് സംഘടിപ്പിച്ചത്
എസ്എഫ്ഐ ജില്ലാ പ്രസിഡണ്ട് സിപി ഷിജു അധ്യക്ഷനായി. എസ്എഫ്ഐ കേന്ദ്ര കമ്മിറ്റി അംഗം എപി അൻവീർ, കെ അനുശ്രീ, എൻ ശ്രീഷ, സനന്ത് കുമാർ, ഷിബിൻ കാനായി എന്നിവർ പരിപാടിയിൽ പങ്കെടുത്തു.
Read also: കണ്ണൂരിൽ വാക്സിൻ മാറി നൽകിയതായി പരാതി