മലപ്പുറം: സാന്ത്വന പ്രവര്ത്തനങ്ങള്ക്കായി എസ് വൈ എസ് മലപ്പുറം ജില്ലാ കമ്മിറ്റിക്ക് കീഴില് മഞ്ചേരിയില് നിര്മാണം പുരോഗമിക്കുന്ന സാന്ത്വന സദനത്തിന് വേണ്ടിയുള്ള നിധി സമാഹരണത്തിന് ജില്ലയിലെ 604 യൂണിറ്റുകളില് തുടക്കമായി.
ജില്ലാ തല ഉൽഘാടനം മലപ്പുറം സോണിലെ മേല്മുറി സര്ക്കിളില് സമസ്ത ജില്ലാ സെക്രട്ടറി ഇബ്റാഹീം ബാഖവി മേല്മുറി, മലപ്പുറം സോണ് പ്രസിഡണ്ട് നജ്മുദ്ദീൻ സഖാഫി പൂക്കോട്ടൂരിന് സദനനിധി ബോക്സ് കൈമാറി നിര്വഹിച്ചു.
മൂന്നു മാസം മുമ്പ് യൂണിറ്റുകളില് സ്ഥാപിച്ച സദനനിധി സമാഹരണത്തിന് ജില്ലയിലെ 11 കേന്ദ്രങ്ങളില് സോണ് നേതാക്കളുടെ നേതൃത്വത്തില് പ്രവര്ത്തനങ്ങള് നടന്നു വരുന്നു. നവംബര് 14,15 തിയതികളില് മഞ്ചേരി സാന്ത്വന സദനത്തിലേക്ക് സര്ക്കിള് നേതാക്കളുടെ നേതൃത്വത്തില് കോവിഡ് മാനദണ്ഡങ്ങള് പാലിച്ച് നിധിവരവ് സംഘടിപ്പിക്കും.
ഇതിനോട് അനുബന്ധമായി സവിശേഷ പ്രാർഥനാ സംഗമവും നടക്കും. ജില്ലാ നേതാക്കള് നേതൃത്വം നല്കും. ഫണ്ട് സമാഹരണത്തിനായി സര്ക്കിള് തലങ്ങളില് പ്രഖ്യാപിച്ച റീ സ്റ്റോർ മലപ്പുറം പാഴ്വസ്തു ശേഖരണത്തിന് സമൂഹത്തില് നിന്നും മികച്ച പ്രതികരണമാണ് ലഭിച്ചത്. രോഗികള്ക്കും ആശ്രയമില്ലാത്തവര്ക്കും ആശ്വാസമാകാനായി നിർമ്മിക്കുന്ന സാന്ത്വന സദന സമര്പ്പണം ഡിസംബര് 20ന് മഞ്ചേരിയില് നടക്കും.
Most Read: അർണബിന് ജാമ്യം; എപ്പോഴാണ് ഇന്ത്യൻ ജുഡീഷ്യറി സ്വന്തം കാലിൽ നിൽക്കുക, പ്രിയങ്കഗാന്ധി