റിയാദ്: രാജ്യത്ത് സ്‍ത്രീകള്‍ക്കെതിരായ അതിക്രമങ്ങള്‍ക്ക് എതിരെ കര്‍ശന ശിക്ഷാ നടപടി സ്വീകരിക്കുമെന്ന് സൗദി പബ്ളിക് പ്രോസിക്യൂഷന്‍ അറിയിച്ചു. സ്‍ത്രീകൾക്ക് നേരെയുള്ള ഏത് തരത്തിലുള്ള അതിക്രമങ്ങളും ശിക്ഷാർഹമാണ്. കുറ്റകൃത്യത്തിന്റെ ഗൗരവമനുസരിച്ച് തടവും പിഴയും ശിക്ഷയായി ലഭിക്കുമെന്നും പബ്ളിക് പ്രോസിക്യൂഷൻ അറിയിച്ചു.
സ്‍ത്രീകളെ ശാരീരികവും, മാനസികവും, ലൈംഗികവുമായി ഉപദ്രവിക്കുന്നത് കുറ്റകരമാണ്. ഒരു വർഷം തടവും അഞ്ച് ലക്ഷം റിയാൽ വരെ പിഴയും ലഭിക്കാവുന്ന കുറ്റങ്ങളാണ് ഇത്. കുറ്റകൃത്യങ്ങൾ ആവർത്തിക്കുന്ന ആളുകൾക്ക് ഇരട്ടി ശിക്ഷയാവും ലഭിക്കുക.
സ്‍ത്രീകൾക്ക് എതിരായ എല്ലാവിധ അതിക്രമങ്ങളും തടയാനാണ് ഇതിലൂടെ ലക്ഷ്യമിടുന്നത്. നിരവധി പദ്ധതികളാണ് ഇതിന്റെ ഭാഗമായി ഭരണകൂടം നടപ്പിലാക്കുന്നത്. സ്‍ത്രീകൾക്ക് എതിരെ സ്‍ത്രീകൾ തന്നെ നടത്തുന്ന അതിക്രമങ്ങളും അനുവദിക്കില്ല. ഇതും ശിക്ഷാർഹമാണ്.
രക്ഷകർത്താക്കൾ, സ്‌പോൺസർമാർ എന്നിവർ പരിധികൾ ലംഘിക്കാൻ പാടില്ല. തൊഴിൽ ഇടങ്ങളിൽ വനിതാ ജീവനക്കാരോട് അപമര്യാദയായി പെരുമാറാൻ പാടില്ലെന്നും പബ്ളിക് പ്രോസിക്യൂഷൻ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
