തിരുവനന്തപുരം: സംസ്ഥാനത്ത് പ്രതിവാര രോഗനിരക്ക് (ഐപിആർ) ഉയർന്ന് തുടരുന്ന വാർഡുകളിൽ കർശന നിയന്ത്രണം. നിലവിൽ സംസ്ഥാനത്തെ 692 നഗരപ്രദേശങ്ങളിലും 3,416 പഞ്ചായത്ത് വാർഡുകളിലുമാണ് നിയന്ത്രണം ഏർപ്പെടുത്തിയിരിക്കുന്നത്. ഇവിടങ്ങളിൽ ഐപിആർ 7 ശതമാനത്തിന് മുകളിലാണ്.
നിയന്ത്രണം ഏർപ്പെടുത്തിയ നഗര വാർഡുകളിൽ എറണാകുളമാണ് മുന്നിലുള്ളത്. 112 വാർഡുകളിലാണ് നിലവിൽ ഇവിടെ നിയന്ത്രണം. കൂടാതെ തൃശൂരിൽ 110 വാർഡുകളിലും, കോഴിക്കോട് 93 വാർഡുകളിലും നിയന്ത്രണം ഏർപ്പെടുത്തിയിട്ടുണ്ട്.
അതേസമയം നിയന്ത്രണം ഏർപ്പെടുത്തിയ പഞ്ചായത്ത് വാർഡുകളുടെ എണ്ണത്തിലും എറണാകുളം തന്നെയാണ് മുന്നിൽ തുടരുന്നത്. 497 പഞ്ചായത്ത് വാർഡുകളിലാണ് നിലവിൽ ഐപിആർ 7ന് മുകളിൽ തുടരുന്നതിനെ തുടർന്ന് കർശന നിയന്ത്രണം ഏർപ്പെടുത്തിയത്.
Read also: ധൻബാദ് ജഡ്ജിയുടെ കൊലപാതകം; വിവരം നൽകുന്നവർക്കുള്ള തുക ഇരട്ടിയാക്കി