മെഹ്സാന: ഗുജറാത്തിലെ മെഹ്സാന ജില്ലയിലെ ബൊക്കർവാഡയിൽ, രണ്ട് കുട്ടികൾക്ക് ദാരുണാന്ത്യം. വീട്ടിലെ അലമാരക്കുള്ളിൽ കളിക്കുന്നതിനിടെ അബദ്ധത്തിൽ പൂട്ട് വീണതിനെ തുടർന്നാണ് കുട്ടികൾ ശ്വാസംമുട്ടി മരിച്ചത്. ഹർഷിൽ പട്ടേൽ (10), സോഹൻ പട്ടേൽ (9) എന്നിവരാണ് മരണപ്പെട്ടത്.
വെള്ളിയാഴ്‌ച ഉച്ചയോടെയാണ് സംഭവം. കുട്ടികൾ കളിക്കുന്നതിനിടെ അബദ്ധത്തിൽ അലമാരയുടെ പൂട്ട് വീഴുകയായിരുന്നു. കുട്ടികളെ കാണാതായതോടെ, ബന്ധുക്കൾ നടത്തിയ തിരച്ചിലിനിടെയാണ് കുട്ടികളുടെ മൃതദേഹം കണ്ടെത്തിയത്. സംഭവം നടന്ന വീട് ഗ്രാമത്തിന്റെ വിദൂര ഭാഗത്താണ്, കുട്ടികൾ അകത്തു കയറിയപ്പോൾ വീട്ടിൽ ആരും ഉണ്ടായിരുന്നില്ല. അതിനാൽ നിലവിളി കേൾക്കാൻ കഴിഞ്ഞില്ലെന്നും, ആ ഭാഗത്തേക്ക് കുട്ടികളെ അന്വേഷിച്ച് പോയില്ലെന്നും പോലീസ് അറിയിച്ചു. അതേസമയം അപകടമരണത്തിനു കേസെടുത്ത പോലീസ് അന്വേഷണം ആരംഭിച്ചിട്ടുണ്ട്.
Read also: ഒരു മാസം പ്രായമുള്ള കുഞ്ഞിനെ അമ്മ കൊലപ്പെടുത്തി
