ഇടുക്കി: തൊടുപുഴയില് വിദ്യാർഥി സൈക്കിൾ മറിഞ്ഞ് മരിച്ചു. ഉദയഗിരി കൂനംമാക്കൽ ബേബിയുടെ മകൻ എബിൻ ജോസഫ് ബേബി (10) ആണ് മരിച്ചത്. വ്യാഴാഴ്ച ഉച്ചക്ക് സൈക്കിളുമായി വെളിയിലിറങ്ങിയ എബിൻ നിയന്ത്രണം വിട്ട് പ്രകാശിൽ പുതുതായി നിർമിച്ച മൊബൈൽ ടവറിന്റെ സംരക്ഷണ വേലിയിലേക്ക് വീഴുകയായിരുന്നു.
തലക്കും മുഖത്തും ഗുരുതരമായി പരിക്കേറ്റ എബിനെ ഉടൻ തന്നെ കട്ടപ്പനയിലെ സ്വകാര്യ ആശുപത്രിയിൽ എത്തിച്ചിരുന്നു. പരിക്ക് ഗുരുതരമായതിനാൽ തൊടുപുഴയിലേക്ക് കൊണ്ടുപോകവേ യാത്രാമധ്യേ മരണപ്പെടുകയായിരുന്നു. ഉദയഗിരി സെന്റ് മേരീസ് യുപി സ്കൂളിൽ അഞ്ചാം ക്ളാസ് വിദ്യാർഥിയായിരുന്നു.
Read also: കായത്തൊടി കൂട്ട ബലാൽസംഗം; ഒരാൾ കൂടി അറസ്റ്റിൽ