കണ്ണൂർ: സൈക്കിളിൽ യാത്ര ചെയ്യുന്നതിനിടെ വാഹനമിടിച്ച വിദ്യാർഥി മരിച്ചു. ജില്ലയിലെ പാപ്പിനിശ്ശേരി ആനവളപ്പ് സ്വദേശിയായ മുഹമദ് റിലാൻ ഫർഹീൻ(15) ആണ് മരിച്ചത്. വാഹനമിടിച്ചതിന് പിന്നാലെ കണ്ണൂരിലെ സ്വകാര്യ ആശുപത്രിയിൽ ചികിൽസയിൽ കഴിയുകയായിരുന്നു ഫർഹീൻ.
മൂന്ന് ദിവസം മുൻപാണ് അപകടം ഉണ്ടായത്. ഇടിച്ച ശേഷം വാഹനം നിർത്താതെ പോകുകയായിരുന്നു. തുടർന്ന് ആശുപത്രിയിൽ പ്രവേശിച്ച ഫർഹീൻ ചികിൽസയിൽ കഴിയുന്നതിനിടെയാണ് മരിച്ചത്. പാപ്പിനിശ്ശേരി ഗവൺമെന്റ് ഹയർസെക്കൻഡറി സ്‌കൂളിലെ വിദ്യാർഥി ആയിരുന്നു.
Read also: പരാതിപ്പെടുന്ന വനിതാ ജീവനക്കാരുടെ വിവര ശേഖരണം; വിവാദ ഉത്തരവ് റദ്ദാക്കി
