കോഴിക്കോട്: ജില്ലയിലെ പേരാമ്പ്ര ഹയർ സെക്കണ്ടറി സ്കൂളിലെ വിദ്യാർഥികൾക്ക് തെരുവ് നായയുടെ കടിയേറ്റു. ആറ് വിദ്യാർഥികൾക്കാണ് നായയുടെ കടിയേറ്റത്. നായയുടെ ആക്രമണത്തിൽ ഗുരുതരമായി പരിക്കേറ്റ ഒരു വിദ്യാർഥിയെ കോഴിക്കോട് മെഡിക്കൽ കോളേജ് ആശുപത്രിയിലും ബാക്കിയുള്ളവരെ പേരാമ്പ്ര താലൂക്ക് ആശുപത്രിയിലും പ്രവേശിപ്പിച്ചു.
ഇന്ന് രാവിലെ 11 മണിയോടെയാണ് സംഭവം. സ്കൂൾ കോമ്പൗണ്ടിന്റെ ഉള്ളിൽ വെച്ചാണ് വിദ്യാർഥികൾക്ക് നേരെ നായയുടെ ആക്രമണം ഉണ്ടായത്. അതേസമയം, സ്കൂൾ പരിസരത്ത് ഏറെ നാളായി തെരുവ് നായ ശല്യം രൂക്ഷമാണെന്നാണ് അധ്യാപകരും വിദ്യാർഥികളും പറയുന്നത്.
Most Read: സംസ്ഥാനത്ത് 50 പേർക്ക് കൂടി ഒമൈക്രോൺ സ്ഥിരീകരിച്ചു