കരുളായി: സാധാരണ ജനങ്ങൾക്ക് ബുദ്ധിമുട്ടില്ലാതെ വാക്സിൻ രജിസ്ട്രേഷൻ നടപടികൾ പൂർത്തീകരിക്കാനായി കരുളായിയിൽ എസ്വൈഎസ് വാക്സിനേഷൻ ഹെൽപ് ഡെസ്ക് ആരംഭിച്ചു.
സംഘടനയുടെ സർക്കിൾ സാമൂഹികം ഡയറക്ടറേറ്റിന് കീഴിലാണ് ഡെസ്ക് ആരംഭിച്ചത്. കരുളായി സർക്കിൾതല ഉൽഘാടനം എസ്വൈഎസ് നിലമ്പൂർ സോൺ സെക്രട്ടറി ശിഹാബ് സഖാഫി നിർവഹിച്ചു. മൈലമ്പാറ, പരത, വാരിക്കൽ, കരുളായി, കിണറ്റിങ്ങൽ, മുല്ലപ്പള്ളി, വരക്കുളം, പള്ളിക്കുന്ന് തുടങ്ങിയ യൂണിറ്റുകളിലും ഹെൽപ് ഡെസ്ക് പ്രവർത്തനം ആരംഭിച്ചതായി ഭാരവാഹികൾ പറഞ്ഞു.
എസ്വൈഎസ് കരുളായി സർക്കിൾ പ്രസിഡണ്ട് ജമാൽ അസ്ഹരി, സാമൂഹികം സെക്രട്ടറി സി റാശിദ്, ജമാൽ സഅദി എന്നിവരാണ് പദ്ധതിക്ക് നേതൃത്വം നൽകുന്നത്. അബുബകർ സഅദി, അസ്ഹദ് കെസി, നാസർ, അസ്ലം, ഇർഫാൻ, അൻസാർ ഫാളിലി എന്നിവർ ചടങ്ങിൽ സംബന്ധിച്ചു.
Most Read: ജനിതക മാറ്റം സംഭവിച്ച കോവിഡ് സംസ്ഥാനത്ത് വെല്ലുവിളി ഉയർത്തുന്നു; മുഖ്യമന്ത്രി