കണ്ണൂര്: തളിപ്പറമ്പ് പോസ്റ്റ് ഓഫീസ് അടച്ചു. ജീവനക്കാര്ക്ക് കോവിഡ് സ്ഥിരീകരിച്ചതിനെ തുടർന്നാണ് നടപടി. ഈ മാസം 27 വരെയാണ് ഓഫീസ് അടച്ചിടുന്നത്.
ആകെയുള്ള 35 ജീവനക്കാരിൽ 11 പേർക്കും കോവിഡ് സ്ഥിരീകരിച്ചിരുന്നു. ആദ്യം ഒരു പോസ്റ്റുമാനാണ് കോവിഡ് പോസിറ്റീവായത്. തുടർന്ന് നടത്തിയ പരിശോധനയിൽ 11 പേർക്കും കോവിഡ് സ്ഥിരീകരിക്കുക ആയിരുന്നു. ഈ സാഹചര്യത്തിലാണ് പോസ്റ്റ് ഓഫീസ് അടച്ചിട്ടത്.
ബാക്കിയുള്ള ജീവനക്കാരെയും കോവിഡ് പരിശോധനക്ക് വിധേയമാക്കുമെന്ന് അധികൃതർ അറിയിച്ചു. അതേസമയം ജനങ്ങളുമായി സമ്പര്ക്കം പുലര്ത്തുന്ന ഈ വിഭാഗത്തെ വാക്സിനേഷന്റെ മുൻഗണന പട്ടികയിൽ ഉൾപ്പെടുത്താത്തത് ആക്ഷേപത്തിന് ഇടയാക്കുന്നുണ്ട്.
Malabar News: പ്രഖ്യാപിച്ച നഷ്ടപരിഹാരം വ്യപാരസ്ഥാപനം ഒഴിയുന്നതിന് മുൻപ് ലഭിക്കണം; പാദരക്ഷാ വ്യാപാരികൾ