കണ്ണൂര്‍: ചാലയിലെ പാചക വാതക ടാങ്കർ ലോറി അപകടത്തിന്റെ സിസിടിവി ദൃശ്യം പുറത്ത്. അപകടം നടന്നത് ഡ്രൈവറുടെ അശ്രദ്ധകൊണ്ടാണെന്ന പോലീസ് നിഗമനം ശരിവെക്കുന്നതാണ് വീഡിയോയിലെ ദൃശ്യങ്ങള്‍.
അമിത വേഗതയിൽ എത്തിയ വാഹനം വളവില്‍ വെച്ച് നിയന്ത്രണം വിട്ട് ഡിവൈഡറിൽ തട്ടി മറിയുകയായിരുന്നു. വ്യാഴാഴ്‌ചയാണ് ചാല ജങ്ഷനിൽ തലശ്ശേരി ഭാഗത്തേക്കുള്ള വളവിൽ വെച്ച് അപകടം നടന്നത്.
ഇന്നലെ പുലർച്ചയോടെയാണ് ടാങ്കറിൽ നിന്നുള്ള വാതകം മറ്റൊരു ടാങ്കറിലേക്ക് മാറ്റുന്ന പ്രവൃത്തി പൂർത്തിയായത് . മലപ്പുറം ചേളാരി ഐഒസി പ്ളാന്റിൽ നിന്നെത്തിയ വിദഗ്‌ധ സംഘമാണ് വാതകം മറ്റൊരു ടാങ്കറിലേക്ക് മാറ്റിയത്. ടാങ്കറിന്റെ ഒരു അറയിലെ വാതകം അപകടം നടന്ന അന്നുതന്നെ മറ്റൊരു ടാങ്കറിലേക്ക് മാറ്റിയിരുന്നു. വാതകം മുഴുവനായും മാറ്റുന്നതിന് അഞ്ച് ഒഴിഞ്ഞ ടാങ്കറുകളാണ് എത്തിച്ചത്.
വാതകം മാറ്റുന്നതിനിടയിൽ ഉണ്ടായേക്കാവുന്ന അപകടങ്ങൾ കണക്കിലെടുത്ത് ചാലയിലും പരിസര പ്രദേശങ്ങളിലും കടുത്ത നിയന്ത്രണങ്ങളാണ് പോലീസും അഗ്‌നിശമന സേനയും ഏർപ്പെടുത്തിയിരുന്നത്.
Malabar News: കനത്ത മഴയും കാറ്റും; പാലക്കാട് തൂതയിൽ വീടുകൾ നശിച്ചു
