ബാങ്കോക്ക്: തായ്ലന്റ് നടി നിദ പച്ചരവീരാപോങ്കിനെ (37) നദിയില് മരിച്ച നിലയില് കണ്ടെത്തി. ചാവോ ഫ്രായ നദിയില് സ്പീഡ് ബോട്ടില് നടിയുടെ പേഴ്സണല് മനേജരടക്കം അഞ്ച് പേര്ക്കൊപ്പം യാത്ര പോയതായിരുന്നു നിദ. ബോട്ടില് നിന്ന് അബദ്ധത്തില് നടി വെള്ളത്തിലേക്ക് വീഴുകയായിരുന്നു എന്നാണ് സഹയാത്രികള് പറയുന്നത്.
തിരച്ചിലിനൊടുവില് മൃതദേഹം ഒരു കിലോമീറ്റര് ചുറ്റളവില് ഒഴുകി നടക്കുന്ന നിലയില് കണ്ടെടുക്കുകയായിരുന്നു.
അതേസമയം നിദയുടെ മരണത്തില് ദുരൂഹത ആരോപിച്ച് കുടുംബാംഗങ്ങള് രംഗത്തെത്തി. നിദ ലൈഫ് ജാക്കറ്റ് ധരിച്ചിരുന്നില്ലെന്നാണ് സഹയാത്രികര് പറയുന്നത്. സംഭവത്തില് പോലീസ് അന്വേഷണം ആരംഭിച്ചു. സ്പീഡ് ബോട്ടിന് ലൈസന്സ് ഇല്ലെന്ന് പോലീസ് കണ്ടെത്തിയിട്ടുണ്ട്.
Most Read: ടെലിവിഷൻ ഷോയിലൂടെ പ്രധാനമന്ത്രിയെ വിമർശിച്ച കുട്ടികൾക്ക് സ്റ്റാലിന്റെ അഭിനന്ദനം