കൊല്ലം: കുണ്ടറയിൽ പീഡന പരാതി ഒത്തുതീര്‍പ്പാക്കാന്‍ യുവതിയെ ഫോണില്‍ ബന്ധപ്പെട്ട സംഭവത്തില്‍ വനംവകുപ്പ് മന്ത്രി എകെ ശശീന്ദ്രന് ക്ളീൻചിറ്റ്. പരാതി ഒതുക്കി തീര്‍ക്കണമെന്ന ആരോപണത്തിന് അർഥമില്ലെന്ന് നിയമോപദേശം ലഭിച്ചു. നല്ല നിലയില്‍ പരിഹരിക്കണം എന്ന വാക്കാണ് ശശീന്ദ്രന് ഉപയോഗിച്ചിരിക്കുന്നത് എന്നാണ് വാദം. മലയാള നിഘണ്ടു ഉദ്ധരിച്ചാണ് മന്ത്രിയുടെ വാക്കുകളില്‍ തെറ്റില്ലെന്ന് നിയമോപദേശം ലഭിച്ചത്.
ജില്ലാ ഗവണ്‍മെന്റ് പ്‌ളീഡര്‍ ആര്‍ സേതുനാഥന്‍പിള്ള ശാസ്‌താംകോട്ട ഡിവൈഎസ്‌പിക്കാണ് നിയമോപദേശം കൈമാറിയത്. നിവൃത്തി വരുത്തുക, കുറവ് തീർക്കുക എന്ന അർഥത്തിലാണ് മന്ത്രി സംസാരിച്ചത് എന്നാണ് നിയമോപദേശത്തിൽ പറയുന്നത്. ഇരയുടെ പേരോ പരാമർശമോ മന്ത്രി നടത്തിയിട്ടില്ല. കേസ് പിൻവലിക്കണമെന്ന ഭീഷണി ഫോൺ സംഭാഷണത്തിൽ ഇല്ലെന്നും നിയമോപദേശത്തിൽ പറയുന്നു. മന്ത്രിക്കെതിരെ കേസെടുക്കണമെന്ന പരാതിയില്‍ പോലീസ് നിയമോപദേശം തേടിയിരുന്നു.
Most Read: ഡിസിസി; മുതിർന്ന നേതാക്കൾ ഇടഞ്ഞുതന്നെ, വഴങ്ങില്ലെന്ന് സുധാകരനും സതീശനും
