ന്യൂഡെൽഹി: നാല് മാസത്തെ കാത്തിരിപ്പിനൊടുവിൽ ഒല ഇലക്ട്രിക് സ്കൂട്ടറുകളായ എസ് 1, എസ് 1 പ്രോ എന്നിവ ഈ മാസം പകുതിയോടെ ഇന്ത്യൻ നിരത്തുകളിലെത്തും. ഒല ഇലക്ട്രിക് സിഇഒയും സഹസ്ഥാപകനുമായ ഭവിഷ് അഗർവാൾ സ്കൂട്ടറുകള് വിതരണം ചെയ്യാൻ പോകുന്നുവെന്ന് സ്ഥിരീകരിച്ചതായി ദേശീയ മാദ്ധ്യമങ്ങൾ റിപ്പോര്ട് ചെയ്യുന്നു. ഇതുമായി ബന്ധപ്പെട്ട് ട്വിറ്ററിൽ ഭവിഷ് അഗർവാൾ ഒരു കുറിപ്പും പങ്കിട്ടിട്ടുണ്ട്.
Scooters are getting ready ? Production ramped up and all geared to begin deliveries from 15th Dec. Thank you for your patience! pic.twitter.com/d2ydB3TXTm
— Bhavish Aggarwal (@bhash) December 4, 2021
ആദ്യ ബാച്ച് വിതരണം ഒക്ടോബർ 25നും നവംബർ 25നും ഇടയിൽ നടക്കുമെന്നായിരുന്നു ഒല ഇലക്ട്രിക് നേരത്തെ പ്രഖ്യാപിച്ചിരുന്നത്. എന്നാല്, ഇ-സ്കൂട്ടർ ബുക്ക് ചെയ്ത ഉപഭോക്താക്കൾക്ക് കമ്പനി വിതരണം വൈകുമെന്ന് വ്യക്തമാക്കി അറിയിപ്പ് നൽകിയിരുന്നു. ഇതിന് പിന്നാലെ എത്രയും പെട്ടെന്ന് തന്നെ വിതരണം ആരംഭിക്കുമെന്നും കമ്പനി അറിയിച്ചിരുന്നു. പിന്നീടാണ് വിതരണം ഡിസംബർ 15 മുതൽ 30 വരെ നടക്കുമെന്ന് കമ്പനി പ്രഖ്യാപിച്ചത്.
Read Also: ‘ചുണ്ടെലി ചുരുണ്ടെലി’ പാടി സൗബിൻ; ‘മ്യാവൂ’ പ്രൊമോ ഗാനമെത്തി