കോഴിക്കോട്: ഏറെ കാലത്തെ കാത്തിരിപ്പിന് ശേഷം കോഴിക്കോട് കെഎസ്ആർടിസി ടെർമിനലിനുള്ളിൽ ആദ്യത്തെ കട തുറന്നു. ചായക്കടയാണ് തുറന്നിരിക്കുന്നത്. ഇനി യാത്രക്കാർക്കും ബസ് ജീവനക്കാർക്കും ചായ കുടിക്കണമെങ്കിൽ പുറത്തുപോകേണ്ട ആവശ്യമില്ല. കെഎസ്ആർടിസി ടെർമിനൽ പ്രവർത്തനം ആരംഭിച്ചതിന് ശേഷം ആദ്യമായാണ് ഈ കെട്ടിടത്തിൽ ഒരു കട തുറക്കുന്നത്.
ബസുകൾ നിർത്തുന്നതിനു സമീപത്തു തന്നെ ചായയും ശീതളപാനീയങ്ങളും ലഭിക്കും. ടെർമിനൽ തുറന്ന് 6 വർഷത്തിനു ശേഷവും ഈ കെട്ടിടത്തിൽ ഒരു കട പോലും തുറക്കാത്തതിൽ യാത്രക്കാരും ബസ് ജീവനക്കാരും ഒരുപോലെ നിരാശരായിരുന്നു.
കെട്ടിടത്തിലെ കടകൾ മൊത്തമായി സ്വകാര്യ കമ്പനി കരാറിലൂടെ ഏറ്റെടുത്തെങ്കിലും അതും പ്രവർത്തനം ആരംഭിച്ചിരുന്നില്ല. ഇതു കൂടാതെ കെട്ടിടത്തിൽ 5 കിയോസ്കുകൾ തുറക്കാൻ മറ്റൊരു വിഭാഗത്തിനു പ്രത്യേക കരാർ നൽകിയിരുന്നു. ഇതിൽ 2 കിയോസ്കുകൾ ലഭിച്ച ടാസ്റ്റിക് ലീഡ് പോയിന്റ് പ്രൈവറ്റ് കമ്പനിയാണ് ഇപ്പോൾ കട ആരംഭിച്ചിരിക്കുന്നത്. ചായ, ശീതള പാനീയങ്ങൾ, ലഘുകടികൾ തുടങ്ങിയവ ഇവിടെ നിന്നും ലഭിക്കും.
Malabar News: നിയമസഭാ തിരഞ്ഞെടുപ്പ്; അട്ടപ്പാടിയിൽ പോലീസ് റൂട്ട് മാർച്ച് നടത്തി